Yeshaya
12 Mu diadia efuku okakula binyibinyi’shi:
“Nakutumbula Yehowa,
Muanda sunga biekala’shi wekeele mmufitshile munda,
Nsungu yobe ibatshimbi na mbonyingisha.
2 Tala! Efile Mukulu nyi nkipandilo kiande.
Nakakulupila muadi na ntakatshinyi;
Muanda Yah* Yehowa nyi mbukome buande na ankaluila.
Na bekala kipandilo kiande.”
3 Anukatapa mema na muloo
Ku nsulo ya kipandilo.
4 Na mu diadia efuku anukakula’shi:
“Tumbulayi Yehowa, itanyinayi eshina diaye,
Ukishayi bikitshino biaye mukantshi mua miilo!
Akulayi’shi eshina diaye ditumbishibue.
5 Imbayi bua kutumbisha* Yehowa, muanda mmukite mianda ya kukaanya.
Uno muanda uukishibue mu nsenga ishima.
6 Ela misaase ya muloo, obe muntu mushale* mu Siyona,
Muanda Eselele a Isalele mmukata munkatshi muenu.”