DILONGYESHA 7

Kwakula byabidi na kushinkamisha kooso

Luka 1:3

MU KIKOSO: Akula myanda ayituukila mbalo ya binyibinyi bwa kukwasha bantu abakuteemesha baate kitshibilo ki buwa.

Kimbuula bwa kupeta myanda ya binyi. Akula myanda ayitukila mu Eyi dy’Efile Mukulu, we kwiyibadika su kwi mushindo. Su wesambila myanda ya sianse, mukandu upya, mwanda ukitshikye, sunga kingi kintu, banda kutaluula kumpala bwa kuuka su mbalo yabitukila i buwa na shi mbeyitaluule kalolo.
Tumika kalolo na myanda ibokimbuula. Lesha bya kufubila kifundwe mu kwipushena na mwanda w’akisambila, mukandu oso wi mu Bible, na mikanda ya “mpika a kishima na mupatulukye.” (Mat. 24:45) Akula myanda i mu ingi mikanda nka byayidi kushi kushintuula byabadi bambe sunga kupatuula kwi winyi mwiyifunde.

Tokumanga kwakula myanda ikile bungi sunga kukishakisha myanda ywakula. Odimukye tala wakula “bangi bantu” bu “bantu booso,” “ingi misusa” bu “misusa yoso,” na “bi kwikala” bu “kushi mpaka.”
Elesha bantu binangu. Kunyima kwa kubadika kifundwe sunga kwa kuteemuna mbalo ituukile mwanda, ela lukonko na kanemo sunga kutusha kileshesho akikwasha bantu bwabadya kwata kitshibilo.