Ikala na kuiyisha

Eyi dia kulonda: “Na kuiyisha koso, ikalayi anumono bangi bu be kunundu kuenu.”—Fid. 2:3.

Kibaadi Mpoolo mukite

Mpoolo mutumibua abadi banye lukano kui mulami, esamba na kaneemo koso na Nfumu Agripa, Guvernere Festuse, na Bernice.

VIDEO: Mpoolo alambukisha nfumu Agripa

1. Tala VIDEO, sunga kubadika Bikitshino 26:2, 3. Akupu waluule ino nkonko:

Mushindo kinyi ubaadi Mpoolo muleshe kuiyisha pabaadi esamba na nfumu Agripa?
Mushindo kinyi ubaadi Mpoolo mutume binangu kui Yehowa na ku Bifundue, kushi kuadi’ye nabene?—Tala Bikitshino 26:22.

Nkinyi ki’atulongiela kui Mpoolo?

2. Mukandu wetu ausankisha bantu su tuibeyishe na atuakula na kanemo.

Ambula Mpoolo

3. Akula na kanemo. Leka kulesha’shi obe ouku mianda yoso, na’shi bangi t’abauku kintu.

4. Lesha patooka’shi mianda y’olongiesha ayifiki mu Bible. Eyi di’Efile Mukulu di na mianda ayikumu mashimba a bantu. P’atuidifubisha, atunyingisha lukumiino luabo.

5. Shala muumine. Totompanga kumukuminyisha biobe biokula. T’atukiebe kuikakena na bantu. Atulesha kuiyisha pa kushala baumine na kukimba bia kukatuka. (Nki. 17:14; Tite 3:2) Su tuakula na kalolo, pangi ungi musango yawa muntu akateemesha mukandu wetu.

TALA DINGI

Lom. 12:16-18; 1 Ko. 8:1; 2 Ko. 3:5