Myanda i mwanka

Twi balombene kulesha na kulama lutumbu p’atwe kunangwila ku myabi yatukwete kupeta na kutumbula Yehowa bwa yanka. Kusangeela bintu abitukitshina Yehowa akwitukwasha bwa kwikala n’eshimba dya lutumbu na kunyingiila mu nkalakasho. Kifundwe kyetu kya kipwa kya 2015 akikyebe kwitukwasha bwatudya kupela kuluba uno mwanda munda mwa kino kipwa kyoso.

Uno mwisambo aukyebe kwitupatulwila kalolo bwakinyi atutentekyeshaa lufu lwa Yesu. Ukwete kupushiisha akilesha mukate na nfinyo bya ku Kitentekyesho na kulesha mushindo awiukaa muntu shi e kudya mukate na kutoma nfinyo. Kuno kulonga akukyebe dingi kwitukwasha bwa kumona mushindo watudi balombene kwilumbuula bwa Kidiibwa kya Mwanana.

Bantu beyibakishene bakwete kufumankana na nkalakasho na bitompwanga. Kadi ku bukwashi bwa Yehowa, be kwikala na eyibakishi dinyingye na di na muloo. Mwisambo wa kumpala aukyebe kwisambila myana itano bwa kwikala na eyibakishi dinyingye na di na muloo na kilombene kwibabunga. Mwisambo wa kabidi aukyebe kwisambila mushindo wa kunyingisha na kukalwila eyibakishi mu kikudi.

Mushindo kinyi ulombene kwikala kifulo kya binyibinyi pankatshi pa mulume na mukashi? Kifulo nkilombene kukita mafuku e bungi su? Mushindo kinyi wa kulesha kyakya kifulo? Tala myanda ayitulongyesha mukanda wa Loono-Luulwa pabitale kifulo kishi na mpwilo.