NSHALELO A BUINA KIDISHITU
Ba nsongua—Funguilai baledi benu mashimba
Buakinyi abitungu kulungula baledi bobe bi’onangushena? (Nki 23:26) Muanda Yehowa muibape bushito bua nkupasukila na bua nkukunkusha. (Mis 127:3, 4) Bi bukopo buabadia nkukuasha su tue muibalungule mianda yodi nayo na nkalakashi yobe. Dingi, we kukutua kulongiela ku mianda imone baledi bobe mu nshalelo abo. Bi bubi kuilamina ingi mianda obe nabene su? Nya, ta bi bubi, anka dimuka bua kupela kudimba baledi bobe na kuibakuminyishisha mianda ya madimi.—Nki 3:32.
Mbikunyi biodia kuisamba na baledi bobe? Tompa kusangula nsa i buwa bobe na bua baledi bobe. Su tuena mushindo wa kuibikita, we kufundila umune a kuabadi mukanda bua kumulungula byuepusha. We kukita naminyi su abakiebe’shi w’esambe nabo muanda osh’okumina? Tentekiesha’shi, abakumina nkukuasha. Ebamone bu ba kuku bobe, kushi bu beshikuanyi. Uka’shi puetatshisha bua kuisamba na baledi bobe mianda patoka, abikukuasha mu nshalelo obe oso!—Nki 4:10-12.
TALA VIDEO AMBA’SHI: MU BU NSONGUA BUANDE—MBIKUNYI BIANDIA KUISAMBA NA BALEDI BANDE? AKUPU WALULE KU INO NKONKO AILONDO:
Esther na Partik mbafikie mu kutundula kinyi pabibatale abo banabene?
Nkinyi kiolongiela ku kileshesho kia Yesu?
Baledi bobe mbaleshe naminyi’shi abakupasukila?
Baledi bobe abakumina’shi obeshe mu nshalelo obe
Mayi kinyi a kulonda a mu Bible alombene nkukuasha bua kuisamba na baledi bobe?