Kipindji kya 8

Byoso abyakula Bible abikakitshika

Mu Bible tabetulondela penda myanda ya binyibinyi ibaadi ikitshikye kala nya, kadi abetulondela dingi myanda ayikyebe kukitshika mu mafuku e kumpala. Bantu tambalombeene kwakula myanda ayikyebe kukitshika mu mafuku e kumpala nya. Nyi bwakinyi atuuku shi Bible mmukanda w’Efile Mukulu. Myanda kinyi ayikakitshika mu mafuku e kumpala ayakula Bible?

Bible kwete kwakula pabitale ngoshi ikata y’Efile Mukulu. Mu yaya ngoshi, Efile Mukulu akakaasha bubi booso na bantu booso bebubi pa nsenga, kadi akyebe kupasha baba bakwete kumufubila. Yesu Kidishitu, nfumu abadi basangule kwi Efile Mukulu, akyebe kukita bwashi bafubi b’Efile Mukulu bekale mu kufukama na muloo, na shi tabekalanga dingi abakumbu sunga kufwa.

Twi balombeene kwikala na muloo shi Efile Mukulu akyebe kufwisha mpaladiiso mupya pa nsenga, ta nabyo su? Kadi su atukumina kushala mu mpaladiiso, abitungu tukite kintu kampanda. Mu mwanda wa nfudiilo atukyebe kulonga kilombeene twakita bwa kupeta bintu bibuwa byabadi balumbuule kwi Efile Mukulu bwa bafubi baaye. Byabya, badika KIPINDJI KYA MWANDA bwashi oukye akilongyesha Bible pabitale myanda ayikakitshika mu mafuku e kumpala.