Tulongamisheyi mayele eetu mu mudimo wa bulungudi​—Kwimonena na muntu oso mu teritware eetu

BWA KINYI BI NA MUULO?: Sekadya baadi mutemukye shi bantu ba ndimi ya maumbo oso, abakakumina mukandu wibuwa. (Sek 8:23) Kadi nanyi akebalongyesha? (Lom 10:13-15) Twi na mwabi na bushito bwa kulungula mukandu wibuwa kwi bantu boso ba mu teritware eetu.​—od 84 ¶10-11.

BYA KWIBIKITA:

• Elumbuule. Su ofumankana na muntu akula lungi ludimi, we kufubisha JW Language bwa kulumbuula mushindo wa kubanga mwisambo. Sunga shi, we kufubisha telefone, tablete sunga kangi kamo bwa ku mulesha byadya kupeta ingi myanda mu ludimi lwaye mu jw.org

• Ikala otala bi nshalelo a bantu. Su okwete kulungula ku nshibo na nshibo, tokishanga mushindo ooso aumweka bwa kulungula mukandu wibuwa. Esambe na ba nkidy’eshinda sunga na bantu bemane pa mbalo ya kutengyela myotoka. Su okwete kulungula mbalo i bantu bebungi, tula binangu ku kepatshila kobe ka kulungula mukandu wibuwa

• Ikala na katshintshi. Etatshishe bwa kwisamba na bantu boshimupete ku mashibo bwa mususa wa kumpala. Kita mobe moso bwa kwisamba na bantu ku mashibo aabo, pangi mu ma nsaa sunga mu mafuku elekene. Bangi bantu, abakuminaa kwibafundila mikanda, kwibetamina ku telefone sunga kwisamba nabo mu misese

• Alukila mu kwibatala. Alukila mu kutala muntu oso ekeele musankile bya binyibinyi. Su muntu kwete kwakula lungi ludimi, kimba mulungudi auku ludimi lwaye bwa kumukwasha. We kutungunuka na kwenda mu kumutala mpa na apakafikila mulungudi auku ludimi lwaye.​—od 94 ¶39-40

BANDJILAYI VIDEO AMBA SHI: KULAMBUKISHA MPA NA ‘KU NFUDILO A NSENGA,’ KUNYIMA NWALUULE INO NKONKO:

• 

  Mbikunyi bibadi bakwetu balume na bakashi belumbuule bwa kwenda mu kutala bantu be mu teritware e kula? (1Kod 9:22, 23)

• 

  Nkalakashi kinyi ibabadi bakambile?

• 

  Mmyabi kinyi ibabadi bapete?

• Nkwitatshisha kinyi akutungu shi okite bwa kulambukisha bantu bebungi mu teritware obe?