Londa matabula a Kidishitu kalolo

Yesu mmwitulekyele kileshesho kyatudya kulonda, bikishekishe nsaa yatudi mu mpombo sunga kubingwabingwa. (1Mp 2:21-23) Sunga byekala shi abadi abamukaa, tabadi ebalwisha nya sunga pabadi mu makyenaga. (Mak 15:29-32) Nkinyi kibamukwashile bwa kunyingiila? Badi na kitshibilo kya kukita abikumina Yehowa. (Yo 6:38) Badi dingi mutule binangu byaye ku “muloo ubaadi na kya kupeta.”​—Eb 12:2.

Atukitaa naminyi p’abetukyengyeshaa bwa lukumiino lwetu? Bena Kidishitu ba binyibinyi ‘t’abalwishaa muntu bubi ku bubi.’ (Lom 12:14, 17) Nsaa yatwambula kipaso kibadi Kidishitu munyingiile makyenga, twi kwikala na muloo mwanda twi bakuminyibwe n’Efile Mukulu.​—Mat 5:10-12; 1Mp 4:12-14.

TALA VIDEO A ESHINA DYA YEHOWA DI NA KINEEMO KIKATA, AKUPU WALULE KU INO NKONKO AYILONDO:

• Nkipaso kinyi kibadi mukwetu mukashi Pötzingera mutumikishe nsaa yaye kalolo p’abadi mu kadimbo ka bupenka mu lukano?

• Nkalakashi kinyi ibaadi mukwetu Martin na mukashi aaye Pötzinger mbanyingiile pababadi abebakwata mu nkano ilekeene?

• Nkinyi kibaadi kibakwashe bwa kunyingiila?