NSHALELO A BWINA KIDISHITU
Tumbisha Yehowa pa kwikala bu mbala-mashinda
Beena Isaleele babaadi na tubingilo atumweka twa kutumbisha Yehowa. Be batushiishe mu Ejiipitu, aye nkwibapaasha kwi Faraone na basalayi baaye! (Efi 15:1, 2) Yehowa kwete kutungunuka na kukitshina bafubi baaye myanda ibuwa. Twi kulesha lutumbu lwetu naminyi?—Mis 116:12.
Mushindo umune ngwa kwikala bu mbala-mashinda mukwashi sunga a myeshi yooso. We kuteka bwa kupeta lukalo na bukome bwa kufuba bu mbala-mashinda. (Fid 2:13) Bebungi ababangaa na bu mbala-mashinda mukwashi. We mulombeene kusangula bwa kulombasha nsaa 30 sunga 50 itekiibwe mu mweshi wa kasatu na wa kananka na mu mweshi awinutembela mukunkushi a kifunda. P’omono muloo wekala nao p’obe kufuba bu mbala-mashinda mukwashi, pangi we kwitatshisha bwa kufuba bu mbala-mashinda a myeshi yooso. Kwi bamo abafubaa midimo ya nsaa yooso na be na mikumbo b’obeshe kufuba bu ba mbala-mashinda ba myeshi yooso. (mwb16.07 8) Eyendo’shi, Yehowa asankaa na kwitatshisha kwetu kooso bwa kumutumbisha!—1Mya 16:25.
TALA VIDEO AMBA’SHI: BA NSONGWAKASHI BASATU BANA BA MUNTU MU MONGOLIE, AKUPU WALUULE KU INO NKONKO AYILONDO:
Nkalakashi kinyi ibaabadi bakambile kwi bano bansongwakashi basatu bana ba muntu bwa’shi bafikye ba mbala-mashinda?
Mmyabi kinyi yabadi bapete?
Ingi mishindo kinyi ipya ya kufubila Yehowa ibaabadi bapete bu bibaabadi bafube bu ba mbala-mashinda ba myeshi yooso?
Kileshesho kyabo kibaadi na bukitshishi kinyi kwi bangi?