FUBA KALOLO MU BULUNGUDI | TAMISHA MULOO OOBE MU BULUNGUDI
Longiesha balongi ba Bible buabadia kuidisha mu kikudi
Bua kukuasha balongi ba Bible bua’shi baukie Yehowa na bua kufika balongi banyingie, t’abitungu bemene nka pa biatuibalongiesha. (Mat 5:3; Eb 5:12–6:2) Abitungu balongi baukie bia kuidisha abo banabene mu kikudi.
Panuki ku mbangilo, lesha mulongi obe bia kuilumbula bua kulonga na omunyingishe bua kuibikita. (mwb18.03 6) Ebanyingishe bua kuteka kumpala kuabadia kuilongiela. Ebaleshe biabadia kufubisha tuamo bua kukimbula. Ebaleshe biabadia kuukanga mianda ipia i mu jw.org na mu Televizion a JW. Muenda mafuku, ebalongieshe buabadia kuikala abebadikila Bible efuku dioso, kulumbula bisangilo, biabadia kupeta ngalulo yabo pa kukimbula. Ebakuashe buabadia kuikala abanangushena ku bi’ababadika.
TALA VIDEO AMBA’SHI, KWASHA BALONGI BOOBE BA BIBLE BWABADYA KUUKA BYA KWILONGYELA MYANDA YA MU KIKUDI ABO BANABEENE, AKUPU WALUULE KU INO NKONKO AILONDO:
Mushindo kinyi wababakuasha Rose kui Neeta bua kuuka’shi, kulonga ta mpeda kupeta ngalulo ku nkonko?
Nkinyi kibakuasha Rose bua kushinkamisha’shi, Yehowa e na kabingilo ka kukandika kutambuka lusandi?
Longiesha balongi bobe ba Bible buabadia kumona mianda i na muulo na biabadia kuiyitumikila
Nkinyi kibapusha Rose pabitale kunangushena?