Kwasha balongi boobe ba Bible bwabadya kutamisha kipwano kya pa bupenka na Yehowa

Yehowa akumina’shi tumufubile, muanda tuibamufule. (Mat 22:37, 38) Kifulo bu’Efile Mukulu nyi akikuasha mulongi a Bible buadia kushintula mianda itekibue, na kushala munyingie mu nkalakashi. (1Yo 5:3) Kifulo bu’Efile Mukulu nyi akimutakula bua kubatshishibua.

Kuasha balongi bobe ba Bible buabadia kumona’shi Efile Mukulu muibafule. Ebepushe nkonko bu ino: “Bino abikulongiesha kinyi pabitale Yehowa?” Sunga’shi “bino abilesha naminyi’shi Efile Mukulu mukufule?” Mukuashe buadia kumona mushindo ukuete aumukuasha Yehowa pa bupenka buaye. (2Mya 16:9) Mulungule bialule Yehowa ku nteko yobe, na omunyingishe buadia kumona mushindo ukuete Yehowa kualula namu ku yaye nteko. Tui na muloo wi bungi nsaa yatumono’shi balongi ba Bible abapusha’shi Yehowa muibafule, na abamulesha namu’shi mbamufule na abakumina kuikala ba kuku baye.

LESHA VIDEO AMBA’SHI, KWASHA BALONGI BOOBE BA BIBLE BWABADYA KUTAMISHA KIPWANO KYA PA BUPENKA NA YEHOWA, AKUPU NUALULE KU INO NKONKO AILONDO:

• 

  Lukalakashi kinyi lubadi Rose mupete?

• 

  Neeta badi mukuashe Rose naminyi?

• 

  Nkinyi kibadi kikuashe Rose bua kukambila kitompuanga kiaye?