Psalmet

46 Perëndia është strehë dhe forcë për ne,+

ndihmë që gjendet me lehtësi gjatë vuajtjeve.+

 2 Ja pse s’do të kemi frikë, edhe sikur toka të shndërrohet,+

edhe sikur malet të lëkunden e të bien në zemër të detit të paanë,+

 3 edhe sikur ujërat e tij të zhurmojnë e të nxjerrin shkumë,+

edhe sikur malet të tunden nga tërbimi i tij.+ Selah.

 4 Është një lumë, rrëketë e të cilit e gëzojnë qytetin e Perëndisë,+

tabernakullin e madhërishëm dhe më të shenjtë të Më të Lartit.+

 5 Perëndia është në mes të qytetit;+ ky nuk do të lëkundet.+

Perëndia do ta ndihmojë me të rënë drita e mëngjesit.+

 6 Kombet zhurmuan,+ mbretëritë u lëkundën;

Ai lëshoi zërin e tij dhe toka nisi të tretej.+

 7 Jehovai i ushtrive është me ne;+

Perëndia i Jakobit është për ne kala e sigurt.+ Selah.

 8 Ejani dhe shihni veprat e Jehovait,+

se si ka bërë të ndodhin ngjarje befasuese në tokë.+

 9 Ai i pushon luftërat deri në skaj të dheut;+

thyen harkun dhe e bën copë-copë heshtën;+

karrocat i djeg në zjarr.+

10 «Dorëzohuni dhe dijeni se unë jam Perëndia.+

Unë do të lartësohem mes kombeve,+

po, do të lartësohem në tokë.»+

11 Jehovai i ushtrive është me ne;+

Perëndia i Jakobit është për ne kala e sigurt.+ Selah.