Gjykatësit

17 Në rajonin malor të Efraimit+ ishte një njeri që e kishte emrin Mikea. 2 Ai i tha së ëmës: «Një mijë e njëqind monedhat e argjendit që të kishin marrë dhe për të cilat ti the një mallkim,+ që e dëgjova me veshët e mi, i kam unë. Unë i kisha marrë.»+ E ëma tha: «Qoftë bekuar im bir nga Jehovai!»+ 3 Kështu, ai i ktheu së ëmës një mijë e njëqind monedhat e argjendit+ dhe ajo tha: «Këtë argjend do t’ia shenjtëroj me dorën time Jehovait për tim bir, për të bërë me të një shëmbëlltyrë të gdhendur+ dhe një shtatore të derdhur.+ Ja, po ta kthej prapë.»

4 Por ai ia ktheu argjendin së ëmës dhe ajo mori dyqind monedha argjendi e ia dha një argjendari.+ Ai bëri një shëmbëlltyrë të gdhendur+ dhe një shtatore të derdhur,+ që qëndronin në shtëpinë e Mikesë. 5 Mikea kishte një shtëpi perëndish.+ Ai bëri një efod+ dhe një idhull shtëpie*+ dhe një nga bijtë e tij e vuri*+ që t’i shërbente si prift.+ 6 Ato ditë nuk kishte mbret në Izrael.+ Gjithsecili bënte si t’i dukej e drejtë në sytë e tij.+

7 Tani në Betlehem+ të Judës ishte një djalë i ri. Ai ishte levit+ nga familja e Judës dhe kishte ca kohë që banonte atje. 8 Nga qyteti i Betlehemit, në Judë, ai shkoi për të banuar për ca kohë ku të gjente vend. Duke ecur arriti në rajonin malor të Efraimit, te shtëpia e Mikesë.+ 9 Mikea e pyeti: «Nga vjen?» Ai iu përgjigj: «Jam levit nga Betlehemi i Judës dhe po shkoj të banoj për ca kohë ku të gjej vend.» 10 Por Mikea i tha: «Rri me mua e shërbemë si atë+ e si prift+ dhe unë do të të jap dhjetë monedha argjendi në vit, do të të siguroj rrobat dhe ushqimin.» Kështu leviti hyri brenda. 11 Djali i ri pranoi të qëndronte tek ai dhe u bë për të si një nga bijtë e tij. 12 Për më tepër, Mikea e vuri+ levitin si prift,+ që ai t’i shërbente e të qëndronte në shtëpinë e tij. 13 Mikea thoshte: «Tani po që Jehovai do të më bëjë të mira, sepse kam për prift një levit.»+