Psalmet

55 O Perëndi, vërja veshin lutjes sime+

dhe mos iu fshih kërkesës sime për hir!+

 2 Kushtomë vëmendje dhe m’u përgjigj!+

Nga shqetësimi që kam, s’gjej prehje+

dhe s’e fsheh dot që jam i trazuar,

 3 nga zëri i armikut, nga presionet e të ligut.+

Se ata hedhin vazhdimisht të këqija mbi mua,+

janë të zemëruar e ushqejnë mëri kundër meje.+

 4 Zemra ime ndien dhembje të forta,+

dhe më kanë zënë lemeritë e vdekjes.+

 5 Më ka hyrë frika,+ po, të dridhurat,

dhe drithërimat më mbulojnë.

 6 Unë s’pushoj së thëni: «Ah, të kisha krahë si pëllumbi!+

Tutje do të fluturoja dhe diku gjetkë do të banoja.+

 7 Ja, larg do të ikja,+

në shkretëtirë do të rrija!+—Selah—

 8 Do të nxitoja drejt një vendi, ku të shpëtoja

nga era e furishme, nga furtuna.»+

 9 Pështjelloji, o Jehova, ngatërrojua gjuhët,+

sepse në qytet kam parë dhunë dhe grindje.+

10 Ditë e natë sillen rrotull mbi muret e qytetit,+

dhe brenda ka të këqija e telashe.+

11 Mundime ka brenda tij,

dhe shtypja e mashtrimi nuk i shkulen nga sheshi.+

12 Pasi mua nuk më poshtëroi armiku,+

se këtë do ta kisha duruar.

Nuk u mbajt me të madh ndaj meje,+ ai që më urrente thellësisht,

se atij do t’i isha fshehur.+

13 Por ishe ti, një vdekatar, i barabartë me mua,+

shoku im i ngushtë, i njohuri im,+

14 sepse ne gëzonim bashkë një miqësi të ngushtë e të përzemërt;+

për në shtëpinë e Perëndisë shkonim tok me të tjerët.+

15 Paçin shkretime!+

Të gjallë zbritshin në Sheol,+

sepse kishin të këqija përbrenda kur banonin në dhé të huaj!+

16 Unë për vete do t’i thërras Perëndisë,+

dhe Jehovai do të më shpëtojë.+

17 Në mbrëmje, në mëngjes e në mesditë s’e fsheh dot merakun tim dhe ofshaj,+

e ai ma dëgjon zërin.+

18 Ai do ta shpengojë shpirtin tim nga beteja që bëhet kundër meje dhe do të më japë paqe,+

sepse ata që më dalin kundër, erdhën turma-turma.+

19 Perëndia, Ai që rri ulur në fron, do të më dëgjojë+

ashtu si në të kaluarën,+ dhe do t’u përgjigjet—Selah—

atyre që nuk bëjnë ndryshime+

dhe që nuk i frikësohen Perëndisë.+

20 Njëri nga ata ka shtrirë duart kundër atyre që janë në paqe me të;+

ka përdhosur besëlidhjen e tij.+

21 Fjalët e gojës së tij janë më të buta se gjalpi,+

por zemrën e ka gati për luftë.+

Fjalët e tij zbutin më shumë se vaji,+

por janë shpata të zhveshura.+

22 Hidhja barrën tënde Jehovait,+

dhe ai vetë do të të mbështetë.+

Ai nuk do të lejojë kurrë që i drejti të lëkundet.+

23 Ti, o Perëndi, do t’i zbresësh ata në gropën më të thellë.+

Njerëzit që janë fajtorë gjaku dhe mashtrues nuk do të jetojnë as gjysmën e ditëve të tyre,+

por unë do të kem besim te ti.+