Psalmet

77 Me zërin tim do të thërras Perëndinë,+

po, me zërin tim do ta thërras, dhe ai ka për të më dëgjuar.+

 2 Ditën e ankthit kërkoj Jehovain.+

Natën dora ime rri e shtrirë e nuk mpihet;

shpirti im nuk pranon të ngushëllohet.+

 3 Do ta kujtoj Perëndinë e do të jem i trazuar;+

do të jem në merak e fryma do të më mpaket.+ Selah.

 4 Ti i mban hapur qepallat e mia;+

unë jam i turbulluar e nuk flas dot.+

 5 Bluaj në mendje ditët e kohëve të largëta,+

vitet e kohëve të shkuara.

 6 Natën do të kujtoj muzikën që luaj me tela;+

zemra ime do të jetë në merak+

e fryma ime do të hetojë me kujdes gjithçka.

 7 Vallë, përgjithnjë do të na hedhë tej Jehovai,+

e nuk do të kënaqet kurrë më me ne?+

 8 A thua të ketë marrë fund përgjithnjë dashamirësia e tij?+

A ka dalë e kotë+ fjala e tij brez pas brezi?

 9 Mos ka harruar Perëndia të japë hir?+

Mos e ka mbyllur derën e mëshirës së tij nga zemërimi?+ Selah.

10 Vallë, ende do të them: «Ja ç’më shpon tejpërtej:+

dora e djathtë e Më të Lartit që ndryshon.»+

11 Do të kujtoj mënyrën se si vepron Jah,+

po, do të kujtoj mrekullitë e tua të kohëve më parë.+

12 Do të meditoj për tërë bëmat e tua,+

dhe do të mbaj në mendje veprat e tua.+

13 Udha jote, o Perëndi, është në vendin e shenjtë.+

Cili perëndi është kaq i madh, sa Perëndia ynë?+

14 Ti je Perëndia i vërtetë që vepron në mënyrë të mrekullueshme.+

Ua ke treguar popujve forcën tënde.+

15 Me krahun tënd e ke shpenguar popullin tënd,+

bijtë e Jakobit dhe të Jozefit. Selah.

16 Ujërat të kanë parë, o Perëndi,

ujërat të kanë parë e dhembje të forta zunë të kishin.+

Edhe thellësitë e ujit nisën të trazoheshin.+

17 Retë derdhën ujë me gjëmim;+

qiejt me re zhurmuan.

Shigjetat e tua shkuan në çdo anë.+

18 Gjëmimi i bubullimës sate ishte si rrotat e karrocës;+

rrufetë ndriçuan vendin;+

toka u drodh e zuri të lëkundej.+

19 Hape një udhë përmes detit,+

dhe shtegun tënd përmes ujërave të shumta;

gjurmët e tua askush nuk i njeh.

20 Ti i ke prirë popullit tënd porsi një kopeje,+

me anë të dorës së Moisiut dhe të Aaronit.+