Ligji i përtërirë
23 Asnjë njeri që është tredhur+ duke shtypur herdhet+ ose që e ka organin mashkullor të prerë, nuk mund të bëhet pjesë e kongregacionit të Jehovait.
2 Asnjë bir i paligjshëm+ nuk mund të bëhet pjesë e kongregacionit të Jehovait. Deri në brezin e dhjetë, asnjë nga bijtë e tij nuk mund të bëhet pjesë e kongregacionit të Jehovait.
3 Asnjë amonit ose moabit nuk mund të bëhet pjesë e kongregacionit të Jehovait.+ Deri në brezin e dhjetë, asnjë nga bijtë e tyre nuk mund të bëhet pjesë e kongregacionit të Jehovait, madje kurrën e kurrës, 4 sepse nuk ju erdhën në ndihmë+ me bukë e ujë udhës kur po dilnit nga Egjipti,+ dhe sepse pajtuan kundër jush Balaamin, birin e Beorit nga Pethori i Mesopotamisë, që t’ju mallkonte.+ 5 Jehovai, Perëndia yt, nuk deshi ta dëgjonte Balaamin,+ përkundrazi, Jehovai, Perëndia yt, e ndryshoi për ty mallkimin në bekim,+ sepse Jehovai, Perëndia yt, të donte.+ 6 Sa të jesh gjallë, mos puno për të mirën dhe për mbarësinë e tyre kurrën e kurrës.+
7 Të mos të pështiroset edomiti, se është vëllai yt.+
Të mos të pështiroset egjiptiani, se ti ishe i huaj në vendin e tij.+ 8 Bijtë që do t’u lindin atyre në brezin e tretë, mund të bëhen pjesë e kongregacionit të Jehovait.
9 Ruaje veten nga çdo e keqe, nëse fushon kundër armiqve të tu.+ 10 Nëse mes jush gjendet një njeri që nuk është i pastër, nga ndonjë ndotje gjatë natës,+ ai duhet të dalë jashtë kampit e të mos hyjë në kamp.+ 11 Me të rënë mbrëmja, duhet të lahet me ujë dhe në perëndim të diellit mund të hyjë në kamp.+ 12 Duhet të kesh jashtë kampit një vend për nevojat e tua dhe atje shko. 13 Bashkë me veglat e tua, duhet të kesh me vete edhe një kunj, dhe kur të ulesh galiç jashtë, gërmo me të një gropë, kthehu dhe mbulo jashtëqitjen tënde.+ 14 Sepse Jehovai, Perëndia yt, ecën brenda kampit që të të çlirojë+ e të t’i japë armiqtë në dorë.+ Kampi yt duhet të jetë i shenjtë,+ që ai të mos shohë asgjë të turpshme te ti, e të largohet prej teje.+
15 Mos e dorëzo skllavin te zotëria i vet, kur ai ikën nga i zoti dhe vjen te ti.+ 16 Ai do të banojë gjithnjë me ty në çfarëdo vendi që të zgjedhë në një prej qyteteve të tua,+ ku t’i pëlqejë atij. Mos e trajto keq.+
17 Asnjëra nga bijat e Izraelit të mos bëhet prostitutë tempulli,+ po ashtu asnjëri nga bijtë e Izraelit të mos shërbejë si prostitutë tempulli.+ 18 Mos sill në shtëpinë e Jehovait, Perëndisë tënd, pagën+ e një prostitute ose çmimin e një qeni*+ për ndonjë zotim, sepse që të dy janë të pështirë për Jehovain, Perëndinë tënd.
19 Mos i merr kamatë vëllait:+ kamatë për para, për ushqim,+ për çdo gjë që mund të kërkohet kamatë. 20 Të huajit+ edhe mund t’i marrësh kamatë, kurse vëllait mos i merr,+ që Jehovai, Perëndia yt, të të bekojë në çdo gjë që do të bëjë dora jote, kur të jesh në vendin që po shkon të shtiesh në dorë.+
21 Në rast se merr një zotim para Jehovait,+ Perëndisë tënd, mos vono ta plotësosh,+ sepse Jehovai, Perëndia yt, do ta kërkojë, dhe kjo do të ishte mëkat nga ana jote,+ 22 por nëse nuk zotohesh, nuk do të ishte mëkat nga ana jote.+ 23 Duhet t’u përmbahesh fjalëve të buzëve të tua+ dhe bëj siç u zotove para Jehovait, Perëndisë tënd, si një blatim vullnetar që e the me gojën tënde.+
24 Nëse hyn në vreshtin e një tjetri, ha rrush sa të ngopesh,* por mos vër aspak në shportën tënde.+
25 Në rast se shkon në arën me drithë të një tjetri, këput vetëm kallinj, por mos vër draprin në arën e tjetrit.+