2 Mbretërve
ose, sipas Septuagintës greke, LIBRI I KATËRT I MBRETËRVE
1 Pas vdekjes së Akabit,+ Moabi+ filloi të ngrinte krye+ kundër Izraelit.
2 Në atë kohë Ahaziahu ra+ nga vrima e tarracës së shtëpisë+ së tij në Samari dhe u vra keq. Prandaj nisi lajmëtarë e u tha: «Shkoni dhe pyetni+ Baal-Zebubin,+ perëndinë e Ekronit,+ nëse do ta marr veten.»+ 3 Por engjëlli+ i Jehovait i tha Elijas, tishbitit:+ «Çohu, dilu përpara lajmëtarëve të mbretit të Samarisë dhe thuaju: “Nuk paska Perëndi+ në Izrael që po shkoni të pyetni Baal-Zebubin, perëndinë e Ekronit? 4 Prandaj, kështu thotë Jehovai: ‘Ti nuk do të ngrihesh nga shtrati, sepse do të vdesësh.’”»+ Pastaj Elija iku.
5 Kur lajmëtarët u kthyen tek Ahaziahu, menjëherë ai i pyeti: «Pse u kthyet?» 6 Ata iu përgjigjën: «Na doli përpara një burrë dhe na tha: “Ikni, kthehuni te mbreti që ju dërgoi dhe i thoni: ‘Kështu thotë Jehovai:+ “Nuk paska Perëndi në Izrael që po dërgon të pyesin Baal-Zebubin, perëndinë e Ekronit? Prandaj, ti nuk do të ngrihesh nga shtrati, sepse do të vdesësh.”’”»+ 7 Atëherë ai u tha: «Si ishte ai burri që ju doli përpara dhe ju tha këto fjalë?» 8 Ata iu përgjigjën: «Ishte një burrë i veshur me një rrobë leshi+ dhe kishte ngjeshur një rrip lëkure në ijë.»+ Menjëherë ai tha: «Është Elija, tishbiti.»
9 Pastaj dërgoi tek Elija kreun e një pesëdhjetësheje bashkë me pesëdhjetë njerëzit e tij.+ Kur ai u ngjit tek Elija, ky po rrinte ulur në majë të malit. Ai i tha: «O njeri i Perëndisë+ së vërtetë, vetë mbreti ka thënë: ‘Zbrit.’» 10 Por Elija ia ktheu kreut të pesëdhjetëshes: «E pra, nëse unë jam njeri i Perëndisë, le të zbresë zjarr+ nga qiejt dhe të të përpijë ty bashkë me pesëdhjetë njerëzit e tu.» Dhe nga qiejt zbriti një zjarr që përpiu atë dhe pesëdhjetë njerëzit e tij.+
11 Mbreti dërgoi përsëri kreun e një pesëdhjetësheje tjetër me pesëdhjetë njerëzit e tij.+ Ky i tha: «O njeri i Perëndisë së vërtetë, mbreti ka thënë: ‘Zbrit shpejt.’»+ 12 Por Elija ia ktheu: «Nëse unë jam njeri i Perëndisë së vërtetë, le të zbresë zjarr nga qiejt dhe të të përpijë ty bashkë me pesëdhjetë njerëzit e tu.» Dhe nga qiejt zbriti një zjarr nga Perëndia, që përpiu atë dhe pesëdhjetë njerëzit e tij.
13 Ai dërgoi përsëri një të tretë, kreun e një pesëdhjetësheje me pesëdhjetë njerëzit e tij.+ Dhe ky u ngjit, u përkul në gjunjë+ përpara Elijas dhe filloi të kërkonte+ hir nga ai: «O njeri i Perëndisë së vërtetë, të lutem, le të jetë i çmuar+ në sytë e tu shpirti+ im dhe shpirti i këtyre pesëdhjetë shërbëtorëve të tu! 14 Ja, nga qiejt zbriti zjarr dhe përpiu+ dy krerët e pesëdhjetësheve që erdhën më parë bashkë me pesëdhjetë njerëzit e tyre, por le të jetë shpirti im i çmuar në sytë e tu.»
15 Atëherë engjëlli i Jehovait i tha Elijas: «Zbrit me të dhe mos ki frikë.»+ Kështu, ai u çua dhe zbriti bashkë me të te mbreti 16 e i tha: «Kështu thotë Jehovai: ‘Nuk paska Perëndi në Izrael, që ke dërguar lajmëtarë+ për të pyetur Baal-Zebubin, perëndinë e Ekronit?+ Prandaj, ti nuk do të ngrihesh nga shtrati, sepse do të vdesësh.’» 17 Dhe ai vdiq,+ si kishte thënë+ Jehovai me anë të Elijas. Meqë nuk kishte bir, në vend të tij filloi të mbretëronte Jehorami.+ Kjo ndodhi në vitin e dytë të mbretërimit të Jehoramit,+ birit të Jehozafatit, mbretit të Judës.
18 Pjesa tjetër e gjërave që bëri Ahaziahu,+ a nuk janë shkruar në librin+ e ngjarjeve të mbretërve të Izraelit?