2 Kronikave

25 Amaziahu u bë mbret+ kur ishte njëzet e pesë vjeç, dhe mbretëroi njëzet e nëntë vjet në Jerusalem. Nëna e tij e kishte emrin Jehoadana+ dhe ishte nga Jerusalemi. 2 Ai bëri atë që ishte e drejtë në sytë e Jehovait,+ por jo me gjithë+ zemër. 3 Me t’u forcuar mbretëria e tij, ai vrau+ shërbëtorët+ që i kishin vrarë të atin, mbretin.+ 4 Ai nuk i vrau bijtë e tyre, por veproi ashtu siç është shkruar në ligj, në librin e Moisiut,+ që Jehovai urdhëroi, duke thënë: «Etërit të mos vdesin për shkak të bijve,+ as bijtë të mos vdesin për shkak të etërve,+ por secili të vdesë për mëkatin e vet.»+

5 Amaziahu mblodhi banorët e Judës dhe i vuri të qëndronin sipas shtëpive të paraardhësve,+ sipas krerëve të mijësheve+ dhe sipas krerëve të qindësheve.+ Ai veproi kështu me gjithë Judën dhe Beniaminin. Pastaj regjistroi të gjithë ata nga mosha njëzet+ vjeç e lart dhe në fund pa se ishin treqind mijë burra të zgjedhur që mund të shkonin ushtarë, që përdornin heshtën+ dhe mburojën+ e madhe. 6 Veç kësaj, pajtoi për njëqind talenta argjendi njëqind mijë burra trima e të fuqishëm të Izraelit. 7 Një njeri i Perëndisë+ së vërtetë erdhi tek ai dhe i tha: «O mbret, mos e lër ushtrinë e Izraelit të vijë me ty, sepse Jehovai nuk është me Izraelin,+ domethënë me asnjë nga bijtë e Efraimit. 8 Dil vetë, vepro dhe ji i guximshëm në këtë luftë!+ Perëndia i vërtetë mund të të rrëzojë përpara armikut, sepse Perëndia ka fuqi të të ndihmojë+ dhe të të rrëzojë.»+ 9 Atëherë Amaziahu+ i tha njeriut të Perëndisë së vërtetë: «Po si i bëhet me njëqind talentat që u kam dhënë trupave të Izraelit?»+ Njeriu i Perëndisë së vërtetë iu përgjigj: «Jehovai mund të të japë shumë më tepër se kaq.»+ 10 Kështu Amaziahu i ktheu mbrapsht trupat që kishin ardhur tek ai nga Efraimi, me qëllim që të shkonin në vendin e tyre. Por atyre iu ndez një zemërim i madh kundër Judës dhe u kthyen në vendin e vet të zemëruar+ në kulm.

11 Nga ana e tij, Amaziahu mori zemër dhe i priu popullit të vet, shkoi në Luginën e Kripës+ dhe vrau dhjetë mijë+ bij të Seirit.+ 12 Bijtë e Judës zunë rob edhe dhjetë mijë të tjerë, të cilët i çuan në majë të shkrepit e i hodhën që andej, dhe të gjithë ata u bënë copë e çikë.+ 13 Por burrat e ushtrisë që Amaziahu i kishte kthyer mbrapsht për të mos shkuar me të në luftë,+ filluan të mësynin qytetet e Judës, nga Samaria+ deri në Beth-Horon,+ dhe vranë tre mijë prej tyre e morën plaçkë të madhe.

14 Pasi erdhi nga goditja që u dha edomitëve, Amaziahu solli perënditë+ e bijve të Seirit, i vuri si perëndi,+ filloi të përkulej para tyre+ dhe nisi t’u paraqiste tymin e blatimeve.+ 15 Si pasojë Jehovait iu ndez zemërimi kundër Amaziahut dhe i dërgoi një profet e i tha: «Pse ke kërkuar+ perënditë e këtij populli,+ perëndi që nuk çliruan dot popullin e tyre nga dora jote?»+ 16 Kur ai i foli, mbreti menjëherë i tha: «Mos të kemi bërë vallë këshilltar të mbretit?+ Për të mirën tënde, pusho!+ Pse të të vrasin?» Atëherë profeti pushoi, por tha: «E pra unë e di që Perëndia ka vendosur të të shkatërrojë,+ sepse ke bërë këtë+ dhe nuk e ke dëgjuar këshillën time.»+

17 Atëherë Amaziahu, mbreti i Judës, u këshillua dhe dërgoi t’i thoshin Jehoasit, birit të Jehoahazit, që ishte biri i Jehut, mbretit të Izraelit:+ «Eja! Le të ndeshemi ballë për ballë.»+ 18 Atëherë Jehoasi, mbreti i Izraelit, i dërgoi fjalë Amaziahut, mbretit të Judës:+ «Gjembaçi i Libanit dërgoi t’i thoshin cedrit të Libanit:+ ‘Jepja bijën tënde për grua birit tim.’+ Por një bishë+ fushe që ishte në Liban, kaloi andej dhe e shkeli gjembaçin. 19 Ti ke thënë me vete: ‘Ja, e kam mundur Edomin.’+ Prandaj zemra+ të ka krekosur që të lëvdohesh.+ Rri në shtëpinë tënde.+ Pse të futesh në luftë në kushte të pafavorshme+ dhe të biesh, ti dhe Juda bashkë me ty?»+

20 Por Amaziahu nuk dëgjoi. Kjo gjë vinte prej Perëndisë së vërtetë,+ me qëllim që t’i jepte ata në duart e tij, pasi kishin kërkuar perënditë e Edomit.+ 21 Kështu Jehoasi, mbreti i Izraelit, u ngjit+ dhe ai e Amaziahu, mbreti i Judës, u ndeshën ballë për ballë+ në Beth-Shemesh+ të Judës. 22 Juda u mund para Izraelit,+ kështu që secili ia mbathi në tendën e vet.+ 23 Jehoasi, mbreti i Izraelit, e kapi+ në Beth-Shemesh Amaziahun, mbretin e Judës, birin e Jehoasit, që ishte i biri i Jehoahazit. Pas kësaj ai e çoi në Jerusalem+ dhe hapi një të çarë katërqind kute në murin e Jerusalemit, nga Porta e Efraimit+ deri në Portën e Qoshes.+ 24 Ai mori tërë arin, argjendin dhe gjithë sendet që gjendeshin në shtëpinë e Perëndisë së vërtetë me Obed-Edomin+ dhe në thesarin e shtëpisë së mbretit.+ Mori edhe pengjet, e pastaj u kthye në Samari.+

25 Amaziahu,+ biri i Jehoasit, mbretit të Judës, jetoi edhe pesëmbëdhjetë vjet+ pas vdekjes së Jehoasit,+ birit të Jehoahazit, mbretit të Izraelit. 26 Pjesa tjetër e ngjarjeve lidhur me Amaziahun, nga e para deri tek e fundit,+ a nuk janë shkruar në Librin+ e Mbretërve të Judës dhe të Izraelit?+ 27 Që kur Amaziahu pushoi së ndjekuri Jehovain, kundër tij u kurdis një komplot+ në Jerusalem. Në fund ai ia mbathi në Lakish,+ por e ndoqën deri atje dhe e vranë.+ 28 Kështu, e sollën mbi kuaj+ dhe e varrosën me paraardhësit e tij në qytetin e Judës.+