1 Samuelit

10 Atëherë Samueli mori poçin+ e vajit, ia derdhi në kokë, e puthi+ dhe i tha: «Me këtë Jehovai të ka mirosur vërtet si prijës+ për trashëgiminë e vet.+ 2 Sot, kur të ikësh nga unë, pranë varrit të Rakelës+ në territorin e Beniaminit, në Zelzah, do të takosh dy burra që do të të thonë: “Gomaricat që shkove t’i kërkosh, u gjetën. Tani yt atë nuk mendon më për punën e gomaricave,+ por e ka zënë ankthi për ju e thotë: ‘Ç’të bëj për tim bir?’”+ 3 Që andej shko më tutje derisa të arrish te pema e madhe e Taborit. Atje do t’ju dalin përpara tre burra që do të jenë duke u ngjitur te Perëndia i vërtetë në Bethel:+ njëri do të jetë duke mbajtur tre keca,+ tjetri tri bukë,+ kurse një tjetër një qyp të madh me verë.+ 4 Ata do të të pyesin si je+ dhe do të të japin dy bukë. Pranoji nga dora e tyre. 5 Pas kësaj do të shkosh te kodra e Perëndisë së vërtetë,+ ku është një garnizon+ i filistinëve. Kur të mbërrish në qytet do të takosh një grup profetësh+ që zbret nga vendi i lartë.+ Përpara tyre do të jenë disa njerëz me vegël me tela,+ dajre,+ fyell+ dhe harpë,+ kurse ata do të profetizojnë. 6 Fryma+ e Jehovait do të nisë të veprojë te ti. Do të profetizosh+ bashkë me ta dhe do të kthehesh në tjetër njeri. 7 Kur të përmbushen këto shenja,+ bëj ç’të kesh në dorë,+ sepse Perëndia i vërtetë është me ty.+ 8 Zbrit e shko përpara meje në Gilgal.+ Unë do të zbres te ti për të paraqitur flijime të djegura, për të bërë flijime në bashkësi.+ Prit shtatë+ ditë derisa të vij te ti, dhe do të të them se ç’duhet të bësh.»

9 Sapo i ktheu krahët e iku nga Samueli, Perëndia filloi t’ia ndryshonte zemrën në një tjetër.+ Atë ditë, të gjitha këto shenja+ dolën të vërteta. 10 Kështu, ata ikën që andej në kodër dhe ja, përpara i doli një grup profetësh. Menjëherë tek ai nisi të vepronte fryma e Perëndisë+ dhe ai zuri të profetizonte+ mes tyre 11 Kur të gjithë ata që e njihnin, e panë që ai po profetizonte me profetët, pyetën njëri-tjetrin: «Ç’i ka ndodhur kështu birit të Kishit?! Mos është edhe Sauli profet?»+ 12 Atëherë një burrë që andej u përgjigj e tha: «Po cili është babai i tyre?» Ja pse ka dalë shprehja:+ «Mos është edhe Sauli profet?»

13 Kur mbaroi të profetizonte, ai vajti në vendin e lartë. 14 Më vonë, xhaxhai i Saulit e pyeti atë dhe shërbëtorin e tij: «Ku shkuat?» Ai iu përgjigj: «Të kërkonim gomaricat.+ Ecëm pa u ndalur duke parë për to, por nuk i gjetëm, kështu që vajtëm te Samueli.» 15 Atëherë xhaxhai i Saulit i pyeti: «Tregomëni, ju lutem, ç’ju tha Samueli?» 16 Sauli iu përgjigj: «Ai na tha qartë se gomaricat i kishin gjetur.» Por për çështjen e mbretërimit, për të cilën i kishte folur Samueli, nuk i tregoi gjë.+

17 Samueli e mblodhi popullin përpara Jehovait në Mizpah+ 18 dhe u tha bijve të Izraelit: «Kështu thotë Jehovai, Perëndia i Izraelit:+ “Unë e nxora Izraelin nga Egjipti. Unë ju çlirova nga dora e Egjiptit+ dhe nga dora e të gjitha mbretërive që ju shtypnin.+ 19 Por sot ju e hodhët poshtë Perëndinë tuaj+ që ju shpëtoi nga të gjitha të këqijat e vuajtjet, dhe thoni: ‘Jo, sido që të jetë, ti duhet të vësh mbi ne një mbret.’ E tani zini vend përpara Jehovait sipas fiseve+ dhe sipas mijësheve tuaja.”»

20 Atëherë Samueli afroi+ të gjitha fiset e Izraelit, dhe u zgjodh fisi i Beniaminit.+ 21 Pastaj afroi fisin e Beniaminit sipas familjeve të tij dhe u zgjodh familja e matritëve.+ Në fund u zgjodh Sauli, biri i Kishit.+ Ata nisën ta kërkonin, por nuk e gjetën. 22 Prandaj e pyetën+ prapë Jehovain: «A ka ardhur ky njeri?» Jehovai u përgjigj: «Ja tek është, i fshehur+ mes plaçkave.» 23 Kështu, ata vrapuan dhe e morën që andej. Kur doli në mes të popullit, nga supet e lart ai ua kalonte për nga shtati të gjithëve.+ 24 Atëherë Samueli i tha gjithë popullit: «A e patë atë që ka zgjedhur Jehovai?+ Mes gjithë popullit nuk ka asnjë si ai.» Gjithë populli filloi të thërriste: «Rroftë mbreti!»+

25 Fill pas kësaj Samueli i foli popullit për atë që mbreti do të kërkonte nga ata,+ e shkroi këtë në një libër dhe e vuri përpara Jehovait. Pastaj Samueli e nisi gjithë popullin, secilin në shtëpinë e vet. 26 Edhe Sauli shkoi në shtëpinë e tij, në Gibeah.+ Bashkë me të shkuan edhe burrat trima, të cilëve Perëndia u kishte prekur zemrën,+ 27 kurse njerëzit e pavlerë+ thanë: «E si do të na shpëtoka ky?!»+ Ata e përbuzën+ dhe nuk i çuan asnjë dhuratë.+ Por ai nuk e hapi gojën.+