Ligji i përtërirë
5 Moisiu thirri tërë Izraelin+ dhe i tha: «Dëgjo, o Izrael, rregullat dhe ligjet+ që po të them sot. Mësoji dhe zbatoji ato me kujdes.+ 2 Jehovai, Perëndia ynë, bëri një besëlidhje me ne në Horeb.+ 3 Jehovai nuk e bëri këtë besëlidhje me paraardhësit tanë, por me të gjithë ne që sot jemi këtu gjallë. 4 Jehovai foli sy për sy me ju në mal nga mesi i zjarrit.+ 5 Në atë kohë, meqë ju kishit frikë nga zjarri e nuk u ngjitët në mal,+ unë qëndroja midis Jehovait dhe jush që t’ju përcillja fjalën e Jehovait:+
6 ‘Unë jam Jehovai, Perëndia yt,+ që të nxora nga Egjipti, nga shtëpia e skllavërisë.+ 7 Mos ki kurrë perëndi të tjera përveç meje.*+
8 Mos bëj asnjë shëmbëlltyrë të gdhendur,+ asnjë formë+ të ngjashme me ndonjë gjë që është lart në qiell, poshtë në tokë ose në ujërat e tokës. 9 Mos u përkul para tyre dhe mos u shërbe,+ sepse unë Jehovai, Perëndia yt, jam një Perëndi që kërkoj të më përkushtohesh vetëm mua,+ që për fajin e etërve ndëshkoj bijtë, deri në brezin e tretë dhe të katërt të atyre që më urrejnë.+ 10 Por u tregoj dashamirësi për mijëra breza atyre që më duan dhe që mbajnë urdhërimet e mia.+
11 Mos e zër kot në gojë emrin e Jehovait, Perëndisë tënd,+ sepse Jehovai nuk do të lërë pa e ndëshkuar atë që e zë në gojë kot emrin e tij.+
12 Për të mbajtur ditën e sabatit e për ta shenjtëruar, si të urdhëroi Jehovai, Perëndia yt,+ 13 do të punosh e do të bësh gjithçka që ke për të bërë për gjashtë ditë.+ 14 Ndërsa dita e shtatë është një sabat për Jehovain, Perëndinë tënd.+ Mos bëni asnjë punë,+ as ti, as biri e as bija jote, as skllavi e as skllavja jote, as demi, gomari dhe kafsha jote shtëpiake dhe as i ardhuri që gjendet brenda portave të qytetit tënd,+ me qëllim që skllavi dhe skllavja jote të pushojnë njësoj si ti.+ 15 Mos harro se ti ishe skllav në Egjipt+ dhe Jehovai, Perëndia yt, të nxori që andej me dorë të fortë dhe me krah të shtrirë.+ Prandaj Jehovai, Perëndia yt, të urdhëroi të mbash ditën e sabatit.+
16 Ndero atin dhe nënën tënde,+ si të urdhëron Jehovai, Perëndia yt, që të kesh ditë të gjata dhe të të vejë mbarë+ në tokën që po të jep Jehovai, Perëndia yt.
20 Mos jep dëshmi të rreme kundër të afërmit tënd.+
21 Mos dëshiro gruan e tjetrit.+ Mos lakmo shtëpinë e tjetrit, arën e tij, skllavin ose skllaven e tij, demin ose gomarin e tij a gjithçka që i përket atij.’+
22 Këto Fjalë Jehovai i tha me zë të fortë para tërë kongregacionit tuaj në mal, nga mesi i zjarrit,+ nga reja e terri i zi, dhe nuk shtoi asgjë tjetër. Më pas, ai i shkroi ato në dy pllaka guri dhe m’i dha mua.+
23 Kur dëgjuat zërin nga mesi i errësirës, teksa mali po digjej zjarr,+ ju, pra, të gjithë krerët e fiseve tuaja dhe pleqtë tuaj, m’u afruat 24 dhe thatë: ‘Ja, Jehovai, Perëndia ynë, na tregoi lavdinë dhe madhështinë e tij, dhe ne e dëgjuam zërin e tij nga mesi i zjarrit.+ Sot pamë se Perëndia mund të flasë me njeriun, e ky të mbetet gjallë.+ 25 Por, pse të vdesim tani? Ky zjarr i madh mund të na përpijë.+ Po të dëgjojmë akoma zërin e Jehovait, Perëndisë tonë, ne do të vdesim.+ 26 Sepse ku ka njeri si ne që të ketë dëgjuar zërin e Perëndisë së gjallë,+ duke folur nga mesi i zjarrit e të mbetet gjallë? 27 Afrohu ti dhe dëgjoji gjithë ato që do të thotë Jehovai, Perëndia ynë, pastaj na e thuaj neve çfarë të tha Jehovai+ dhe ne do të dëgjojmë e do t’i zbatojmë.’
28 Kështu, Jehovai e dëgjoi zërin tuaj kur më folët dhe Jehovai më tha: “E dëgjova zërin e popullit dhe se çfarë të tha. Foli mirë në gjithçka.+ 29 Ah, sikur të kultivonin në zemër frikë ndaj meje+ dhe të mbanin gjithnjë tërë urdhërimet e mia,+ që t’u vente mbarë atyre dhe bijve të tyre në jetë të jetëve!+ 30 Shko e u thuaj: ‘Kthehuni në tendat tuaja.’ 31 Kurse ti qëndro këtu me mua, që të të jap tërë urdhërimet, rregullat dhe ligjet që duhet t’u mësosh atyre+ t’i zbatojnë në vendin që po u jap si pronë.” 32 Veproni me kujdes si ju urdhëron Jehovai, Perëndia juaj.+ Mos u ktheni as djathtas, as majtas.+ 33 Duhet të ecni në të gjitha udhët që ju urdhëron Jehovai, Perëndia juaj,+ që të jetoni, të jeni mirë+ e të keni ditë të gjata në vendin që do të zotëroni.