Psalmet

68 Le të ngrihet Perëndia,+ le të shpërndahen armiqtë e tij+

dhe le t’ia mbathin nga ai që e urrejnë thellësisht.+

 2 Davariti ata, ashtu si davaritet tymi.+

Të ligjtë le të marrin fund para Perëndisë,+

ashtu si shkrin dylli nga zjarri.+

 3 Por të drejtët le të gëzojnë,+

le të jenë plot hare para Perëndisë+

dhe le të ngazëllojnë me të madhe!+

 4 Këndojini Perëndisë, luani melodi për emrin e tij,+

thurini një këngë Atij që kalon nëpër rrafshinat e shkreta+

me emrin e tij, Jah,+ dhe ngazëlloni para tij!

 5 Atë i jetimëve* dhe gjykatës i vejushave+

është Perëndia në banesën e tij të shenjtë.+

 6 Perëndia bën që vetmitarët të kenë shtëpi.+

Ai çliron të burgosurit dhe u jep mbarësi.+

Por kokëfortët do të banojnë në tokë të zhuritur.+

 7 O Perëndi, kur dole para popullit tënd,+

kur kalove nëpër vendin e shkretë,+—Selah—

 8 u lëkund toka+

e rrodhën qiejt për shkak të Perëndisë.+

Sinai u lëkund për shkak të Perëndisë,+ Perëndisë së Izraelit.+

 9 Ti bëre të bjerë një rrebesh i madh, o Perëndi.+

Ti vetë e rigjallërove trashëgiminë tënde, edhe kur ishte e lodhur.+

10 Kampin me tenda,+ ku ata banuan,+

me mirësinë tënde e bëre gati për të munduarin, o Perëndi.+

11 Jehovai jep urdhrin.+

Gratë që shpallin lajmin e mirë, janë një ushtri e madhe.+

12 Edhe mbretërit e ushtrive ia mbathin, ia mbathin.+

Gruaja që qëndron në shtëpi, merr plaçkë.+

13 Edhe pse shtriheshit mes togjeve të hirit të kampit,

do të vini* si një pëllumb me krahë argjendi

dhe me pendë si ar verdhosh.*+

14 Kur i Plotfuqishmi shpërndau mbretërit që gjendeshin atje,+

në Zalmon+ nisi të binte borë.

15 Rajoni malor i Bashanit+ është mali i Perëndisë.+

Rajoni malor i Bashanit është me kreshta të larta.+

16 O male me kreshta, pse shikoni me zili

malin ku Perëndia dëshiron të banojë vetë?+

Po, Jehovai do të banojë atje përgjithnjë.+

17 Karrocat e luftës të Perëndisë, janë mijëra e mijëra pa fund.+

Jehovai erdhi nga Sinai në vendin e shenjtë.+

18 Ti u ngjite lart,+

more me vete robër,+

more dhurata në njerëz,+

po, edhe kokëfortët,+ për të banuar mes tyre,+ o Perëndi Jah!

19 Bekuar qoftë Jehovai, që përditë mban barrën tonë,+

Perëndia i vërtetë i shpëtimit tonë!+ Selah.

20 Perëndia i vërtetë është për ne Perëndia i veprave të shpëtimit;+

Jehovait, Zotërisë Sovran,+ i përkasin rrugët për t’i shpëtuar vdekjes.*+

21 Perëndia do t’ua copëtojë kokën armiqve të tij,+

çaçkën e kokës të atij që ndjek udhën e fajit të vet.+

22 Jehovai thotë: «Nga Bashani do t’i kthej,+

do t’i kthej nga thellësitë e detit,+

23 me qëllim që t’i lash këmbët në gjak,+

që gjuha e qenve të tu të lëpijë gjakun e armiqve.»+

24 Ata panë procesionet e tua, o Perëndi,+

procesionet e Perëndisë tim, Mbretit tim, që hynin në vendin e shenjtë.+

25 Këngëtarët prinin, ata që u binin veglave me tela pas i ndiqnin,+

në mes ishin vashat që u binin dajreve.+

26 Në turma të mbledhura bekoni Perëndinë,+

Jehovain, ju që erdhët në jetë nga Burimi i Izraelit!+

27 Njerëzit i bën zap Beniamini i vogël,+

po, princat e Judës me turmën e tyre që bërtet,

princat e Zabulonit dhe princat e Neftalit.+

28 Perëndia yt dha urdhër të të jepet forcë.+

Tregoje forcën, o Perëndi, ti që veprove në dobinë tonë.+

29 Për shkak të tempullit tënd në Jerusalem,+

mbretërit do të të sjellin dhurata.+

30 Qortoji kafshët që rrinë mes kallamave,+ demat e mbledhur tufë+

bashkë me viçat e popujve, ku gjithsecili shtyp me këmbë copa argjendi.+

Ai i shpërndan popujt që kënaqen me luftëra.+

31 Nga Egjipti do të vijnë sende prej bronzi.+

Kushi do t’i shtrijë shpejt duart e tij me dhurata për Perëndinë.+

32 O ju mbretëritë e tokës, këndojini Perëndisë,+

për Jehovain luani melodi—Selah—

33 për Atë që shkon kaluar në të lashtin qiell të qiejve!+

Ja, atij i ushton zëri, një zë i fortë.+

34 Pranoni se forca i përket Perëndisë.+

Madhëria e tij është mbi Izraelin dhe forcën e ka te retë.+

35 Perëndia të ngjall frikë nga shenjtërorja e tij e madhërishme.+

Perëndia i Izraelit është ai që i jep popullit forcë, po, i jep fuqi.+

Bekuar qoftë Perëndia!+