2 Kronikave
4 Pastaj bëri altarin prej bakri+ që ishte njëzet kute i gjatë, njëzet kute i gjerë dhe dhjetë kute i lartë.+
2 Ai vazhdoi me detin prej metali të derdhur+ të cilin e bëri të rrumbullakët, dhjetë kute nga buza në buzë. Ai ishte pesë kute i lartë dhe për ta matur rreth e qark nevojitej një litar prej tridhjetë kutesh.+ 3 Nën të kishte zbukurime në formë kungullujësi+ rreth e përqark, dhjetë për kut. Ato e rrethonin detin krejt+ dhe ishin në dy radhë, të derdhura njësh me të. 4 Deti qëndronte mbi dymbëdhjetë dema:+ tre ishin drejtuar me fytyrë nga veriu, tre me fytyrë nga perëndimi, tre me fytyrë nga jugu dhe tre me fytyrë nga lindja. Deti ishte mbi ta dhe pjesët e tyre të pasme ishin të kthyera nga brenda.+ 5 Ai ishte katër gisht i trashë, dhe nga punimi buza e tij i ngjante një kupe, një luleje zambaku.+ Deti mund të mbante tre mijë bato ujë.*+
6 Bëri, gjithashtu, dhjetë legenë dhe i vuri pesë në të djathtë e pesë në të majtë,+ që në ta të laheshin+ e të shpëlaheshin gjërat që kishin të bënin me blatimet e djegura.+ Kurse deti shërbente për t’u larë priftërinjtë.+
7 Pastaj bëri dhjetë shandanë+ prej ari, sipas një skice të vetme,+ dhe i vuri në tempull, pesë në të djathtë e pesë në të majtë.+
8 Përveç kësaj bëri dhjetë tryeza dhe i vendosi në tempull, pesë në të djathtë e pesë në të majtë.+ Bëri edhe njëqind tase prej ari.
9 Më pas bëri oborrin+ e priftërinjve,+ rrethimin e madh+ dhe dyert e rrethimit. Këto dyer i veshi me bakër. 10 Detin e vuri në të djathtë, në juglindje.+
11 Në fund Hirami bëri enët,+ lopatat+ dhe taset.+
Kështu Hirami mbaroi punën që bëri për mbretin Solomon në shtëpinë e Perëndisë së vërtetë. 12 Ai bëri dy shtyllat;+ kapitelet e rrumbullakëta+ në majë të tyre; dy zbukurimet në formë rrjete+ që mbulonin këto kapitele të rrumbullakëta; 13 katërqind shegët+ për dy zbukurimet në formë rrjete; dy radhët e shegëve për secilën nga këto zbukurime, që të mbulonin dy kapitelet e rrumbullakëta mbi shtyllat;+ 14 dhjetë karrocat;+ dhjetë legenët+ mbi karrocat; 15 detin+ dhe dymbëdhjetë demat nën të.+ 16 Ai bëri edhe enët, lopatat,+ pirunjtë+ dhe gjithçka që kishte të bënte me to.+ Këto gjëra Hiram-Abivi+ ia bëri prej bakri të lëmuar mbretit Solomon për shtëpinë e Jehovait. 17 Mbreti i derdhi ato në tokë argjilore* në Krahinën e Jordanit, midis Sukotit+ dhe Zeredahut.+ 18 Kështu Solomoni bëri një sasi shumë të madhe nga gjithë këto pajisje dhe pesha e bakrit nuk u përcaktua dot.+
19 Solomoni bëri të gjitha pajisjet+ që ishin në shtëpinë e Perëndisë së vërtetë: altarin prej ari,+ tryezat+ për bukët e paraqitjes, 20 shandanët+ dhe llambat+ e tyre prej ari të kulluar, që të ndizeshin sipas rregullit para shenjtërores së brendshme.+ 21 Ai bëri edhe lulet, llambat e mashat,+ prej ari (prej arit më të kulluar), 22 fikësit, taset, kupat dhe mbajtëset e zjarrit, prej ari të kulluar.+ Hyrjet e shtëpisë,+ dyert e saj të brendshme për Më të Shenjtën dhe dyert+ e së Shenjtës* i bëri prej ari.