Psalmet

59 Çliromë nga armiqtë e mi, o Perëndia im!+

Mbromë nga ata që ngrihen kundër meje!+

 2 Çliromë nga ata që merren me të këqija+

dhe shpëtomë nga fajtorët e gjakut!

 3 Sepse ja, ata i kanë ngritur grackë shpirtit tim.+

Të fortët më sulmojnë,+

edhe pse s’kam ngritur krye e as kam mëkatuar, o Jehova.+

 4 Ndonëse nuk gjejnë tek unë asnjë faj, ata vrapojnë dhe bëhen gati.+

Zgjohu sapo të të thërras dhe shiko.+

 5 Ti, o Jehova, Perëndi i ushtrive, je Perëndia i Izraelit!+

Zgjohu dhe drejtoje vëmendjen nga të gjitha kombet!+

Mos i jep hir asnjë tradhtari që bën keq.+ Selah.

 6 Ata kthehen vazhdimisht në mbrëmje;+

lehin pa pushim si qentë+ dhe sillen nëpër qytet.+

 7 Ja, dërdëllitin me gojën e tyre;+

shpata kanë në buzë,+

por kush dëgjon?+

 8 Ti vetë, o Jehova, do të qeshësh me ta;+

ti do t’i përqeshësh të gjitha kombet.+

 9 O Forca ime, te ti do t’i mbaj sytë,+

sepse ti, o Perëndi, je kalaja ime e sigurt.+

10 Perëndia që më tregon dashamirësi, do të më dalë përpara;+

Perëndia do të më bëjë t’i shikoj nga lart armiqtë e mi.+

11 Mos i vrit, që populli im të mos e harrojë këtë.+

Me gjithë fuqinë tënde, bëji të enden andej-këtej+

dhe vëri poshtë, o Jehova, mburoja jonë,+

12 për mëkatin e gojës së tyre, për fjalët që u dalin nga buzët.+

U zënçin në krenarinë e tyre+

për mallkimin dhe mashtrimin që përsëritin!

13 Me tërbim jepu fund,+

jepu fund, që të mos jenë më.

Le ta dinë se Perëndia sundon në Jakob,* madje deri në skajet e dheut.+ Selah.

14 Le të kthehen në mbrëmje,

le të lehin si qentë dhe le të sillen vërdallë nëpër qytet.+

15 Le të enden lart e poshtë që të gjejnë diçka për të ngrënë,+

mos u ngopshin e mos gjetshin vend natën ku të kalojnë.+

16 Por unë për vete do t’i këndoj forcës sate,+

dhe në mëngjes do të tregoj me gëzim për dashamirësinë tënde.+

Sepse ti je për mua një kala e sigurt,+

dhe një vend ku rend ditën e vuajtjes.+

17 O Forca ime, për ty do të këndoj,+

sepse ti, o Perëndi, je kalaja ime e sigurt, Perëndia që më tregon dashamirësi.+