• Psalmi 15:1-5
    Shkrimet e Shenjta—Përkthimi Bota e Re 2019

    • 15 O Jehova, kush mund të jetë mysafir në tendën tënde?

      Kush mund të banojë në malin tënd të shenjtë?+

       2 Ai që jeton me nder,*+

      që vepron me drejtësi,+

      që i thotë të vërtetën zemrës së vet;*+

       3 që nuk shpif* për askënd,+

      që nuk i bën asnjë të keqe tjetrit,*+

      që nuk ua njollos emrin shokëve;*+

       4 që nuk pranon të rrijë me njeriun e pështirë,+

      që respekton ata që nderojnë thellësisht Jehovain,*

      që nuk del nga fjala* edhe sikur t’i dalë për keq;+

       5 që nuk jep hua me kamatë+

      dhe nuk pranon ryshfet kundër të pafajshmit.+

      Ai që vepron kështu, nuk do të lëkundet kurrën e kurrës.+

  • Psalmi 84:1-4
    Shkrimet e Shenjta—Përkthimi Bota e Re 2019

    • 84 Sa e dua tabernakullin tënd të madhërishëm,*+ o Jehova i ushtrive!

       2 Shpirti im ka mall, o Jehova,

      po, shpirti më digjet për oborret e tua.+

      Për Perëndinë e gjallë lëshoj britma gëzimi me gjithë shpirtin e forcën time.

       3 Edhe zogu e ka gjetur një shtëpi atje,

      edhe dallëndyshja një fole për të vegjlit e saj,

      pranë altarit tënd të madhërishëm, o Jehova i ushtrive,

      Mbreti im dhe Perëndia im!

       4 Lum ata që banojnë në shtëpinë tënde!+

      Ata pareshtur të lëvdojnë.+ (Selah)