6 Pastaj Jehovai tha: «Ata janë një popull i vetëm, flasin një gjuhë të vetme+ dhe ja çfarë kanë filluar të bëjnë. Tani, çdo gjë që do t’u vijë ndër mend, do ta arrijnë patjetër. 7 Eja, le të zbresim+ e t’ua ngatërrojmë gjuhën, që të mos e kuptojnë më njëri-tjetrin.»

19 Atëherë Jozefi u tha: «Mos kini frikë. Mos jam Perëndia unë?! 20 Edhe pse donit të më bënit keq,+ Perëndia e ktheu këtë të keqe në të mirë, që të ruante gjallë shumë njerëz, siç po bën sot.+

30 Nuk ka as mençuri, as aftësi dalluese, as plan* që të mund të dalë kundër Jehovait.+

35 Gjithë banorët e tokës s’janë asgjë para tij, dhe ai bën si të dojë me ushtrinë e qiejve e me banorët e tokës. E nuk ka njeri që ta pengojë*+ a t’i thotë: ‘Ç’ke bërë?’+

38 Prandaj edhe për këtë rast, po ju them: mos u përzieni me këta njerëz, por lërini rehat. Faktikisht, nëse ky plan ose kjo vepër është nga njerëzit, do të dështojë, 39 por, nëse është nga Perëndia, ju nuk do t’i jepni dot fund.+ Në të kundërt, mund të gjendeni duke luftuar kundër vetë Perëndisë.»+