Psalmi
Kënga e përurimit të shtëpisë së tij.* Psalm i Davidit.
30 O Jehova, do të të lartësoj se ti më nxore nga gropa*
dhe nuk i le armiqtë e mi të kënaqeshin për hallet e mia.+
2 O Jehova, Perëndia im, ty të thirra për ndihmë e ti më shërove.+
3 O Jehova, nga Varri* ti më nxore;+
që të mos fundosesha në gropë,* gjallë më mbajte e më shpëtove.+
4 Këndojini lavde Jehovait,* ju besnikët e tij,+
thurini lavde emrit* të tij të shenjtë,+
Mbrëmja mund të vijë me lot, ama në mëngjes ka britma gëzimi!+
6 Kur s’kisha halle thosha:
«Nuk do të lëkundem kurrë.»
7 O Jehova, kur gëzoja pëlqimin* tënd, të fortë si mal më bëje.+
Por kur largoje sytë* prej meje, tmerri më pushtonte.+
9 Ç’të mirë ka nëse vdes,* në shkofsha në gropë?!*+
Mos do të të përlëvdojë pluhuri?!+
Thua të flasë për besnikërinë tënde?!+
10 Dëgjomë, o Jehova, dhe ji zemërmirë me mua!+
O Jehova, bëhu ndihma ime!+
11 Ti ma ke kthyer vajin në valle,
m’i ke hequr rrobat e zisë* e më ke veshur me gëzim,
12 që me gjithë shpirt lavde për ty të këndoj e të mos pushoj.
O Jehova, Perëndia im, në jetë të jetëve do të të përlëvdoj!