A e çmojmë durimin e Jehovait?
1 Nëse Jehovai nuk do të kishte qenë i duruar për 10, 20 vitet e kaluara ose dhe më shumë, duke lejuar që të jepet një dëshmi e zgjeruar, a do ta kishim mësuar të vërtetën? Sa mirënjohës jemi që ai ka lejuar edhe shumë njerëz të tjerë «të vijnë në pendim»! Megjithatë, dita e madhe e gjykimit të Jehovait «do të vijë si një vjedhës». (2 Pjet. 3:9, 10) Prandaj, durimi i Perëndisë nuk duhet keqinterpretuar sikur ai po vonon të sjellë fundin e këtij sistemi.—Hab. 2:3.
2 Të ndiejmë keqardhje për njerëzit: Shpirtgjerësia e Jehovait shkon shumë përtej aftësisë sonë të të kuptuarit. Ne duhet ta mbajmë parasysh qëllimin e saj. (Jon. 4:1-4, 11) Jehovai i shikon kushtet e vajtueshme të njerëzimit dhe ndien dhembshuri për ta. Jezui ndien po të njëjtën gjë. Duke ndier keqardhje për turmat të cilave u predikoi, ai donte që vepra e ungjillëzimit të përhapej, në mënyrë që edhe më shumë njerëz të kishin mundësi të fitonin jetën e përhershme.—Mat. 9:35-38.
3 Kur ndodhin tragjedi dhe shkatërrime, a nuk na vjen keq për njerëzit që nuk e njohin të vërtetën? Sot ata janë si «delet pa bari», ndërsa përpiqen të përballojnë dhe të kuptojnë kaosin në botë. (Mar. 6:34) Duke predikuar me zell lajmin e mirë, ne ngushëllojmë ata me zemër të prirur siç duhet dhe tregojmë çmueshmërinë që kemi për durimin e Jehovait.—Vep. 13:48.
4 Vepra jonë është urgjente: Vitin e kaluar u pagëzuan 323 439 persona dhe më shumë se 14 000 000 veta ndoqën Përkujtimin. Ç’potencial ka që edhe shumë të tjerë t’i shpëtojnë shkatërrimit të këtij sistemi të lig! Ne nuk e dimë sa e madhe do të jetë ‘shumica e madhe’. (Zbul. 7:9, BR) As se sa kohë do të zgjatë caktimi ynë për të predikuar. Por Jehovai e di. Lajmi i mirë do të predikohet deri në masën që ai do «dhe atëherë do të vijë mbarimi».—Mateu 24:14.
5 Koha e mbetur është shkurtuar dhe dita e Perëndisë është afër. (1 Kor. 7:29a; Hebr. 10:37) Pa dyshim, «shpëtimi ynë është më afër, se kur besuam». (Rom. 13:11) Le të mos e humbim qëllimin e durimit hyjnor. Në vend të kësaj, le të predikojmë me urgjencë, me qëllim që edhe të tjerë të etur për drejtësi, të mund të përjetojnë mëshirën e madhe të Jehovait!