Të kultivojmë interesin e nxitur nga Lajmërim i Mbretërisë Nr. 36
1 A e kemi përfunduar shpërndarjen e pjesës sonë të fletushkave Lajmërim i Mbretërisë Nr. 36? Në të bëhet një pyetje e kohës për të cilën të gjithë duhet të mendojnë: «Mijëvjeçari i ri: Çfarë ruan e ardhmja për ju?» Ndërsa viti 2000 afrohej, shpresat për atë që pritej se do të sillte mijëvjeçari i ri ishin nga më të ndryshmet. Lajmërim i Mbretërisë Nr. 36 shqyrton disa prej këtyre parashikimeve dhe na kujton se kushtet botërore nuk sigurojnë një bazë për optimizëm. Mijëvjeçari i vetëm që do të sjellë paqen dhe sigurinë që shumica e njerëzve kërkojnë është mbretërimi mijëvjeçar i Jezu Krishtit. Siguria që kemi në realitetin e kësaj Mbretërie na ka nxitur t’i japim fletushkës Lajmërim i Mbretërisë Nr. 36 kujtdo që mundim.
2 Reagimet ndaj Lajmërim i Mbretërisë: Shpërndarjet e mëparshme të fletushkës Lajmërim i Mbretërisë kanë treguar se janë një stimul i shkëlqyer për ne në veprën që bëjmë. Lidhur me fletushkën Lajmërim i Mbretërisë Nr. 35, dega e Kanadasë shkroi: «Kjo fushatë e veçantë u mbështet me entuziazëm nga lajmëtarët dhe pionierët në fushë, të cilët gëzuan dhe përvoja të shumta inkurajuese.» Pa dyshim, që kemi shfaqur një entuziazëm të ngjashëm në shpërndarjen e fletushkës Lajmërim i Mbretërisë Nr. 36.
3 Fushata e tanishme me fletushkën Lajmërim i Mbretërisë, është programuar të përfundojë më 17 nëntor 2000. A e kemi mbuluar të gjithë territorin që i është caktuar kongregacionit tonë? Nëse jo, pleqtë mund të kërkojnë që ta vazhdojmë fushatën deri në fund të nëntorit.
4 Cili ka qenë reagimi i deritanishëm ndaj shpërndarjes së fletushkës Lajmërim i Mbretërisë Nr. 36 në zonën tonë? Disa njerëz do të plotësojnë kuponin dhe do të kërkojnë një kopje të broshurës Çfarë kërkon? dhe/ose një studim biblik në shtëpi. Megjithatë, shumica e atyre që tregojnë interes fillestar ndaj argumentit të mijëvjeçarit, ka të ngjarë të mos ndërmarrin ndonjë veprim derisa një nga Dëshmitarët e Jehovait të kthehet sërish. Të gjithë që kanë treguar interes duhen vizituar përsëri. Kur do të ishte një kohë e mirë për ta bërë këtë? Vizita tjetër duhet të bëhet sa më shpejt që të jetë e mundur.
5 Le të vërejmë këto përvoja që rezultuan nga rikthimi në ato vende ku qe lënë fletushka Lajmërim i Mbretërisë Nr. 35. Një pioniere në Irlandë i la një kopje të Lajmërim i Mbretërisë pronares së një restoranti. Gruas i bëri përshtypje mesazhi dhe e ftoi motrën të kthehej sërish. Motra u kthye brenda dy ditësh dhe me gruan u fillua një studim biblik. Në Danimarkë, u la një kopje e fletushkës Lajmërim i Mbretërisë në një shtëpi ku nuk ndodhej asnjeri. Po atë ditë, gruaja që banonte atje i dërgoi kuponin zyrës së degës, e cila ia përcolli atë kongregacionit lokal. Përpara se të përfundonte java, gruan e vizituan dy motra, u bënë rregullime që të fillohej një studim biblik dhe gruaja ndoqi mbledhjen e saj të parë në Sallën e Mbretërisë.
6 Çfarë të themi kur të kthehemi: Bërja e rivizitave aty ku lihet fletushka Lajmërim i Mbretërisë është relativisht diçka e lehtë dhe një pjesë e gëzueshme e shërbimit tonë. Kur e bëjmë këtë, është e këshillueshme të mbajmë me vete një kopje të fletushkës Lajmërim i Mbretërisë Nr. 36, pasi pronari i shtëpisë mund të mos e ketë kopjen e tij. Mund të provojmë këto sugjerime:
7 Pasi t’i kujtojmë pronarit të shtëpisë se kush jemi, mund të themi:
◼ «Lashë një fletushkë me titull ‘Mijëvjeçari i ri: Çfarë ruan e ardhmja për ju?’ A nuk ishte inkurajuese të lexonit se së shpejti do të fillojë mbretërimi mijëvjeçar i Krishtit, duke sjellë kushte parajsore në tokë? [Të tregojmë ilustrimet e parajsës në fletushkën Lajmërim i Mbretërisë Nr.36.] Në faqen e pasme, ju ftoheni të kërkoni një kopje të broshurës Çfarë kërkon Perëndia prej nesh?» Të tregojmë broshurën, të kthehemi në mësimin 5, të lexojmë pyetjen e parë dhe paragrafin 1 e 2 dhe t’i kërkojmë pronarit të shtëpisë që të komentojë lidhur me këtë. Të lexojmë dhe të diskutojmë një ose dy shkrime. Nëse është e mundur, të trajtojmë një pyetje dhe një paragraf tjetër, më pas të bëjmë rregullime për ty kthyer e për të vazhduar diskutimin.
8 Pasi oferta vijuese për nëntorin do të jetë broshura «Çfarë kërkon?» ose libri «Njohuria», mund të themi:
◼ «Kur ju vizitova para pak kohësh, ju lashë një kopje të ‘Mijëvjeçari i ri: Çfarë ruan e ardhmja për ju?’ Ai përmban një ofertë për një studim biblik pa pagesë në shtëpi. Jam rikthyer të të tregoj materialin ndihmës që përdorim për studim. [Të tregojmë broshurën Çfarë kërkon?, dhe të shkojmë në kapakun e pasëm ose të tregojmë librin Njohuria dhe të shkojmë në faqet 188-189.] Mijëvjeçari për të cilin flitet në Bibël do të sjellë kushte si këto që shihni në këtë ilustrim. Për t’u kualifikuar për jetën në Parajsë ne duhet të marrim njohuri të saktë për Perëndinë. Më lejo të lutem të të tregoj shkurtimisht se si e studiojmë Biblën.»
9 Shpërndarja e fletushkës Lajmërim i Mbretërisë Nr. 36, na ka nxitur që ta shtojmë pjesëmarrjen tonë në shërbim, duke bërë kështu që të jepet një dëshmi e madhe. Ka të ngjarë që kjo të ketë nxitur interesin e shumë individëve në territor. Përpjekja jonë e bashkuar për ta kultivuar këtë interes, me ndihmën e Jehovait, do të sjellë si rezultat që të gjejmë me gëzim më shumë persona ngjashëm deleve.—Mat. 10:11; Veprat 13:48, 49, 52.