Të vazhdojmë të nxjerrim dobi nga Kulla e Rojës dhe Zgjohuni!

Tani që pajtimet me postë në revistat Kulla e Rojës dhe Zgjohuni! po ndërpriten, do të kërkohen përpjekje për t’u siguruar se ne dhe ata të cilëve u predikojmë, nuk humbasim as edhe një numër.

Kopjet personale: Kur pajtimit tonë personal i mbaron afati, le të porositim më shumë revista nga ç’kemi porositur deri tani në repartin e revistave. Prindërit duhet të porositin mjaft revista, me qëllim që çdo pjesëtar i familjes të ketë kopjen e tij. Duke i vënë emrin kopjes sonë personale do të sigurohemi që të mos e japim pa dashje në shërbim. Kur arrin sasia e revistave, vëllezërit që merren me to, do ta vënë çdo numër menjëherë në dispozicion në Sallën e Mbretërisë.

Itineraret e revistave: Lajmëtarët duhet të përpiqen të fillojnë një itinerar revistash me të gjithë personat e interesuar që dëshirojnë të marrin çdo numër. Duke ua shpërndarë personalisht revistat këtyre personave, do të kemi mundësi të kultivojmë interesin e treguar dhe të fillojmë studime biblike.​—Shih Shërbimi ynë i Mbretërisë, tetor 1998, faqja 8.

Ata me nevoja të veçanta: Nëse një individ tregon interes të vërtetë, por jeton në një territor të pacaktuar, mund të bëhet një përjashtim duke i dhënë mundësinë që t’i marrë revistat me anë të pajtimit postar. Nëse një person që banon në territorin e kongregacionit, nuk mund të arrihet me anë të një itinerari, por është sinqerisht i interesuar që t’i marrë revistat, ta diskutojmë rastin me Komitetin e Shërbimit të Kongregacionit. Nëse ata e miratojnë, për këtë person të interesuar itinerari mund të kthehet në një pajtim. Për këtë qëllim, mund të përdoren formularët e zakonshëm për të bërë pajtimin (M-1 dhe M-101).

Mund të jemi të sigurt që Jehovai do të vazhdojë t’i bekojë të gjitha përpjekjet tona për ta bërë të njohur Mbretërinë me anë të revistave Kulla e Rojës dhe Zgjohuni!