Njoftime

◼ Literatura që do të ofrohet në dhjetor: Njeriu më i madh që ka jetuar ndonjëherë. Një mundësi tjetër mund të jetë Libri im i tregimeve biblike. Janar: Ti mund të jetosh përgjithmonë në parajsë mbi tokë. Shkurt: A ka një krijues që interesohet për ju? Mars: Njohuria që të çon në jetën e përhershme. Do të bëhet një përpjekje e veçantë për të filluar studime biblike.

◼ Ftesat për Përkujtimin për vitin 2003 do të dërgohen së shpejti në çdo kongregacion.

◼ Ju lutemi, vini re se Përkujtimi për vitin 2004 do të jetë të dielën, më 4 prill, pas perëndimit të diellit. Ky njoftim paraprak bëhet me qëllim që vëllezërit të bëjnë rezervimet ose kontratat e nevojshme për salla të tjera që janë në dispozicion, në rast se një Sallë Mbretërie përdoret nga disa kongregacione dhe duhen gjetur lokale të tjera. Pleqtë duhet të bëjnë një marrëveshje me administratorët e lokaleve për t’u siguruar se nuk do të ketë shqetësime nga aktivitete të tjera, me qëllim që kremtimi i Përkujtimit të bëhet me qetësi dhe me rregull. Për shkak të rëndësisë së rastit, për caktimin e oratorit që do të mbajë fjalimin e Përkujtimit, trupi i pleqve duhet të zgjedhë njërin prej pleqve më të kualifikuar, në vend që thjesht të vazhdojnë ta bëjnë këtë sipas një radhe ose të përdorin të njëjtin vëlla çdo vit. Do të bëhet përjashtim në rastin kur ka një plak të aftë të mirosur që është në gjendje ta mbajë fjalimin.

◼ Në muajin gusht, viti i shërbimit përfundoi me një maksimum të ri prej 2.708 lajmëtarësh. Ky është maksimumi i 34-t radhazi.

◼ Më 1 shtator 2002 u formua kongregacioni Tiranë Kodër-Kamëz. Me këtë emërim numri i kongregacioneve në Shqipëri u rrit deri në 64. Gjithashtu grupit Tiranë Misto Mame iu ndryshua emri në Tiranë Rruga 3 Dëshmorët.

◼ Gjatë vitit të kaluar të shërbimit u emëruan 8 kongregacione të reja. Midis këtyre ishte edhe kongregacioni Ura-Vajgurore.

◼ Në Shqipëri në muajin gusht 2002 u mbajtën pesë klasa të Shkollës për Shërbimin si Pionier. Në të morën pjesë 101 pionierë të rregullt dhe specialë. 7 prej tyre ishin nga Kosova.

◼ Në muajin shtator u emëruan edhe 58 pionierë të rregullt.

◼ Të gjithë lajmëtarët e pagëzuar, të pranishëm në Mbledhjen e Shërbimit për javën që fillon më 6 janar, mund të marrin kartën Deklaratë/Shfajësim mjekësor i mëparshëm, si edhe Kartën e Identitetit për fëmijët e tyre.

◼ Është bërë një ndryshim në mënyrën si do të drejtohet Shkolla e Shërbimit Teokratik gjatë vizitës së mbikëqyrësit qarkor. Duke filluar nga janari 2003, pas këngës së parë dhe lutjes, shkolla do të mbahet për rreth 25 minuta. Do të bëhet një fjalim 5 minuta rreth një cilësie oratorike, fjalimi i udhëzimit 10 minuta dhe 10 minuta pikat kryesore të Biblës. Fjalimet nr. 2, 3, dhe 4 nuk do të bëhen. Pas Shkollës do të pasojë Mbledhja e Shërbimit për gjysmë ore. Pas këngës do të ketë një program gjysmë ore nga mbikëqyrësi qarkor, i ndjekur nga kënga përmbyllëse dhe lutja.