Përdoreni sitin tonë për të mësuar fëmijët
1. Cili është qëllimi i pjesës «Fëmijët» te siti ynë?
1 Siti ynë, jw.org/sq, është përgatitur për njerëz të çdo moshe. Pjesa «Fëmijët» (te Mësime Biblike > Fëmijët) i ndihmon fëmijët e vegjël dhe prindërit të afrohen më tepër me njëri-tjetrin e me Jehovain. (Ligj. 6:6, 7) Si ta përdorni këtë pjesë për të mësuar fëmijët?
2. Si të zgjidhni materiale studimi të përshtatshme për moshën e fëmijëve tuaj?
2 Përshtatuni: Çdo fëmijë ka nevoja të veçanta. (1 Kor. 13:11) Atëherë, si të zgjidhni materiale studimi të përshtatshme për moshën e fëmijëve tuaj? Pyetni veten: «Çfarë i tërheq fëmijët e mi? Sa do të kuptojnë? Për sa kohë mund të përqendrohen?» Me fëmijët tre vjeç e poshtë mund të shihni në sit tregimet te pjesa «Mësimet e para nga Bibla». Familje të tjera kënaqen me tregimet biblike në pjesën «Mësoji fëmijët». Shqyrtoni edhe mundësitë e mëposhtme.
3. Si mund t’i përdorin mirë prindërit tregimet dhe fletët për të mësuar në pjesën «Ide për adhurimin familjar»?
3 Ide për adhurimin familjar: Këto ide janë mjete ndihmëse që kryefamiljarët të studiojnë me fëmijët. Që të mësoni si t’i përdorni tregimet e fletët për të mësuar, klikoni te shkarko dhe për çdo ide lexoni «Sugjerime për prindërit». Mësojini fëmijët më të vegjël duke përdorur pjesën vizato dhe mëso, siç janë faqet për të ngjyrosur. Ndihmojini fëmijët më të rritur që të plotësojnë fletët e studimit. Të gjitha fletët për të mësuar në secilën pjesë lidhen me të njëjtin tregim ose mësim biblik, prandaj në idetë për adhurimin familjar mund të marrin pjesë fëmijë të çdo moshe.
4. Çfarë mund të gjejmë te pjesa «Bëhu mik i Jehovait»?
4 Bëhu mik i Jehovait: Videot, këngët dhe fletët për të mësuar në këtë pjesë të sitit tonë, i ndihmojnë prindërit t’ua ngulitin Fjalën e Perëndisë fëmijëve të vegjël. (Ligj. 31:12) Çdo film vizatimor i shkurtër përmban një mësim të rëndësishëm. Mësime të tilla theksohen te fletët për të mësuar, të cilat përmbajnë lojëra ku duhen kërkuar e gjetur objekte. Meqë shpesh fëmijëve u pëlqen të këndojnë dhe meqë këngët i ndihmojnë të kujtojnë atë që kanë mësuar, dalin rregullisht këngë Mbretërie dhe këngë të shkruara veçanërisht për ta.
5. Pse prindërit duhet t’i kërkojnë ndihmë Jehovait që t’ua mësojnë fëmijëve të vërtetën?
5 Prindër, Jehovai do që të jeni nëna dhe etër të suksesshëm. Prandaj, kërkojini atij t’ju ndihmojë t’ua mësoni fëmijëve të vërtetën. (Gjyk. 13:8) Me mbështetjen e Jehovait, mund t’i stërvitni fëmijët që të bëhen «të mençur e të sjellin shpëtimin nëpërmjet besimit në Krishtin Jezu».—2 Tim. 3:15; Prov. 4:1-4.