Kutia e pyetjes

◼ A duhet ta mbulojë kokën një lajmëtare kur drejton një studim biblik te dera nëse e shoqëron një lajmëtar?

Kur një lajmëtare drejton një studim të rregullt biblik të programuar dhe një lajmëtar është i pranishëm, ajo duhet të mbulojë kokën. (1 Kor. 11:3-10) Kulla e Rojës e 15 korrikut 2002, në faqen 27 shpjegon: «Kjo është një kohë e programuar mësimdhënieje ku ai që drejton studimin duhet të udhëheqë. Në këto rrethana, studimi bëhet një shtesë e kongregacionit. Në qoftë se një Dëshmitare e pagëzuar drejton një studim të tillë në prani të një Dëshmitari të pagëzuar, me të drejtë ajo do ta ketë kokën të mbuluar.» Kjo vlen edhe nëse ajo e drejton studimin në shtëpi, te dera apo në ndonjë ambient tjetër.

Nga ana tjetër, nëse studimi te dera ende nuk mund të quhet studim i mirëfilltë, nuk është e nevojshme që motra të mbulojë kokën në prani të lajmëtarit, edhe pse qëllimi i rivizitës është të tregojë si bëhet studimi biblik ose të trajtojë material nga një prej botimeve për studim. Meqë duhet ca kohë dhe rivizita të njëpasnjëshme që bisedat me dikë të kthehen në studim, lajmëtaret duhet të marrin parasysh rrethanat e të jenë të arsyeshme kur vendosin në cilin moment të mbulojnë kokën.