Si të mprehim aftësitë në shërbim?—Të kultivojmë interesin e itinerareve

Pse ka rëndësi? Shumë njerëzve që u pëlqejnë revistat tona, nuk dëshirojnë të studiojnë Biblën me ne. Ndoshta janë të kënaqur me fenë e tyre ose mendojnë se nuk kanë kohë të studiojnë. Megjithatë, mund të ushqejnë dëshirë të zjarrtë për Fjalën e Perëndisë ndërsa lexojnë rregullisht revistat tona. (1 Pjet. 2:2) Mund t’i prekë ndonjë artikull ose mund t’u ndryshojnë rrethanat. Nëse i vizitojmë rregullisht dhe shkurtimisht, mund të ndihen më rehat me ne dhe do të arrijmë të kuptojmë çfarë u intereson dhe çfarë i shqetëson. Me kalimin e kohës mund të fillojnë studim biblik.

Si ta zbatosh?

Çdo muaj programo që t’i çosh itinerarit numrat e fundit të revistave Kulla e Rojës dhe Zgjohuni! Ndoshta mund të kthehesh përsëri tek ai gjatë muajit për t’i grishur kureshtjen për një artikull nga revistat që i ke lënë ose për t’i dhënë ofertën e muajit. Mbaj shënime të sakta.—Shih Shërbimi ynë i Mbretërisë, janar 2014, f. 3.
Përgatitu për çdo vizitë. Në vend që thjesht t’i lësh revistat, përpiqu ta përfshish të zotin e shtëpisë në bisedë dhe të ndërtosh një marrëdhënie miqësore me të që t’i kultivosh interesin.
Ji i vëmendshëm ndaj mundësive për të filluar studim biblik. Nëse ndonjë itinerar të pyet se çfarë thotë Bibla për një temë të caktuar, silli një botim për studim që përmban përgjigjen dhe diskutojeni bashkë. Ose, para se të largohesh, ngri një pyetje që lidhet me atë temë dhe shqyrtojeni herën tjetër. Nëse bën rregullisht biseda me të, qoftë edhe të shkurtra, duke përdorur Biblën ose një nga botimet për studim, je duke drejtuar një studim biblik. A i ke ofruar të zotit të shtëpisë broshurën Lajm i mirë dhe a i ke demonstruar si bëhet një studim i shkurtër biblik? A i ke treguar videot Pse ta studiosh Biblën? dhe Si zhvillohet një studim biblik? Edhe nëse në të kaluarën nuk ka pasur shumë qejf të fillojë një studim biblik, rrethanat ndryshojnë. Mos do të ishte më mirë ta provoje përsëri?

Gjatë muajit provo këtë:

Bëj një listë të atyre që mund të fillosh t’u japësh rregullisht revistat. Ofroju numrat e fundit të revistave dhe thuaju se do t’u sjellësh numrat e ardhshëm.