Ç’mund të mësojmë nga të krishterët me përvojë?

Nëpër kongregacione kemi motra e vëllezër që i kanë shërbyer Jehovait për dekada. Ç’mund të mësojmë nga mënyra si janë mbështetur pareshtur te Jehovai? Mund t’i pyesim për historikun e organizatës së Jehovait dhe për vështirësitë që kanë hasur e kanë kapërcyer me ndihmën e tij. Madje ndonjërin prej tyre mund ta ftojmë në mbrëmjen e Adhurimit Familjar që ta pyesim për përvojën e tij në shërbim të Jehovait.

Nëse i ke shërbyer Jehovait për shumë vjet, fol pa ngurruar me të rinjtë e kongregacionit. Jakobi dhe Jozefi ndanin me brezat e ardhshëm gjërat që Jehovai kishte bërë për ta personalisht. (Zn 48:21, 22; 50:24, 25) Më vonë Jehovai i udhëzoi kryefamiljarët t’i mësonin fëmijët për veprat e Tij të lavdishme. (Lp 4:9, 10; Ps 78:4-7) Sot, prindërit dhe të tjerë në kongregacion mund t’i flasin brezit tjetër për gjërat e mrekullueshme që kanë parë të bëjë Jehovai nëpërmjet organizatës së tij.

SHIHNI VIDEON RUAJNË UNITETIN NËN NDALIM, DHE PASTAJ PËRGJIGJJUNI PYETJEVE TË MËPOSHTME:

• Si i ndihmoi dega e Austrisë vëllezërit tanë në disa vende ku vepra ishte e ndaluar?

• Si e mbajtën të fortë besimin vëllezërit në këto vende?

• Pse shumë lajmëtarë në Rumani u ndanë nga organizata e Jehovait dhe si u rikthyen?

• Si ta forcojnë besimin këto përvoja?