Cili vend mund të jetë?

Njerëzit në vendet e zhvilluara, zakonisht e shikojnë rryshfetin, korrupsionin dhe varfërinë si bashkëkombëse të vendeve afrikane apo latino-amerikane. Kështu, pra, për cilin vend e kanë fjalën këto të dhëna?

«Ministrat e qeverisë merren me mashtrime, biznesmenët përfundojnë burgjeve për korrupsion, funksionarët publikë kapen duke marrë rryshfete, politika është diskredituar, ndërsa politikanët konsiderohen si të dalë boje, ngatharaqë të alkoolizuar dhe maniakë seksualë. . . . Kusarët e rrugëve kanë dalë përsëri në skenë anembanë vendit. . . . Krimet e zakonshme janë shoqëruar nga një valë korrupsioni në industri, në financë dhe në shërbimin publik. . . . Njëmbëdhjetë milion njerëzve u mungojnë tashmë tre apo më shumë nga gjërat e nevojshme për jetesë, . . . dhe numri i atyre që rrojnë në varfëri të madhe, të cilëve u mungojnë shtatë apo më shumë gjëra të nevojshme, është rritur nga 2,5 milion në 3,5 milion.»—Phillip Knightley, The Australian Magazine.

A e keni gjetur? Përgjigjja është Britania e Madhe. Edhe pse mund të jetë një koment i trishtueshëm për kohët tona, por fjalët e mësipërme mund të gjejnë zbatim për dhjetra vende. Sa shumë kemi nevojë për një qeverisje të mirë, të ndershme dhe të drejtë! Po, kemi nevojë për qeverisjen e Perëndisë, nëpërmjet asaj Mbretërie, për të cilën Jezui i mësoi ithtarët e tij të luteshin: «Ardhtë mbretëria jote.»—Mateu 6:10.