‘Tablo e zymtë për shëndetin mendor’

«Me gjithë përparimet madhështore të mjekësisë në shumë aspekte të kujdesit shëndetësor,—vëren një artikull i botuar në Synergy, një buletin informativ i Shoqatës Kanadeze për Shëndetin Ndërkombëtar,—ne gjendemi përballë një tabloje të zymtë globale për shëndetin mendor.»

Një raport përfundonte duke thënë se në mbarë botën, 1 në 4 njerëz vuan prej çrregullimeve mendore, emocionale ose të sjelljes. Një studim tjetër tregonte se 1 në 3 pacientë vizitohet te një mjek, ngaqë vuan prej problemeve të shkaktuara nga depresioni ose ankthi. Për më tepër, këto numra, siç thonë kërkuesit, po rriten.

Përse? Një studim i kryer nga Departamenti i Mjekësisë Sociale i Universitetit të Harvardit vëren se sëmundje të tilla, si: depresioni klinik, skizofrenia dhe demenca po shtohen, sepse «gjithnjë e më shumë njerëz janë në moshën e thyer». Megjithatë, ky nuk është shkaku i vetëm. Janë përgjegjëse edhe problemet ekonomike, si edhe stresi në rritje i jetës moderne.

Si mund të ndryshohet kjo pamje e trishtuar? Ekspertët thonë se ndërmjet aspekteve të shumta të kujdesit shëndetësor, shëndetit mendor i duhet dhënë përparësi, sepse ai «paraqet një prej fushave të reja më kryesore në përmirësimin e gjendjes së njeriut».