Ejani, dëgjoni një mesazh shprese të vërtetë

KËTË mesazh do ta dëgjoni në fjalimin publik «Bëj çdo gjë të re: Siç ishte parathënë», i cili do të prezantohet në Kongresin Krahinor të këtij viti të Dëshmitarëve të Jehovait «Fjala profetike e Perëndisë». Shumë njerëz shpresojnë që viti 2000 të shënojë fillimin e bekimeve për njerëzimin.

«Mijëvjeçari nënkupton se mund t’i lajmë duart nga një shekull vërtet i tmerrshëm»,—vërente një profesor universiteti. Veç kësaj, edhe pse «viti 2000 mund të jetë vetëm një vit tjetër në kalendar,—thoshte revista Maclean’s,—ai mund të ndodhë që të përkojë me një fillim vërtet të ri». Përvoja, ama, tregon se kjo ka pak mundësi të ndodhë.

Përpjekjet e njerëzve për të sjellë një «fillim të ri» kanë dështuar gjithnjë. Përse, atëherë, mund ta besojmë premtimin e bërë nga Perëndia më se 1.900 vjet më parë: «Ja! Unë po bëj çdo gjë të re»? (Zbulesa 21:5, BR) Arsye bindëse do të jepen në këtë fjalim publik që të ngroh zemrën. Mund ta dëgjoni atë në një vend pranë jush, pasi duke filluar nga muaji maj, ai do të mbahet në qindra kongrese anembanë botës.

Kontaktoni Dëshmitarët e Jehovait në zonën tuaj ose shkruajuni botuesve të kësaj reviste për të ditur vendin e kongresit më afër jush. Numri i 15 shkurtit 1999 i revistës sonë shoqëruese, Kulla e Rojës, përmban adresat e të gjitha vendeve të kongreseve në Shqipëri, Itali dhe Zvicër.