A e dini?

(Përgjigjet e këtij pyetësori mund të gjenden në citimet biblike që janë dhënë. Lista e plotë e përgjigjeve është shtypur në faqen 26. Për informacion të mëtejshëm mund të përdorni botimin «Mendjehollësi mbi Shkrimet», anglisht, botuar nga Dëshmitarët e Jehovait.)

1. Cilin person na nxit Jezui të kujtojmë që të ngulitim në mendje se nuk duhet ‘të kthehemi te gjërat [e lëna] pas’? (Luka 17:31, 32)

2. Sipas ilustrimit të mbjellësit që dha Jezui, pse u zhurit ajo pjesë e farës që mbiu në gurishte? (Marku 4:5, 6)

3. Çfarë do të thotë që Jezui i ringjallur do të ulej «në të djathtën» e Jehovait? (Veprat 2:34)

4. Kush është i vetmi nga Shuahu që përmendet në Shkrime? (Jobi 8:1)

5. Çfarë emri i vuri Perëndia Jakobit kur ishte rreth 97 vjeç? (Zanafilla 32:28)

6. Edhe pse Sauli nuk i ishte bindur Perëndisë dhe e ndiqte Davidin, pse nuk e vrau Davidi kur iu dha mundësia? (1 Samuelit 26:7-11)

7. Në përmbushje të fjalës së Perëndisë, cilat ishin ato kafshë që përlanë Jezebelën e keqe? (2 Mbretërve 9:36)

8. Cila ishte ndalesa e parë e përmendur që bënë izraelitët duke shkuar për në Detin e Kuq? (Dalja 12:37)

9. Cila formë adhurimi është «e pastër dhe e pandotur nga këndvështrimi i Perëndisë», sipas Jakovit? (Jakovi 1:27)

10. Sa zgjaste periudha kohore që iu zbulua Danielit për të treguar se kur do të shfaqej Mesia dhe kur do të vritej? (Danieli 9:24-27)

11. Nga sa tha Jezui, çfarë ‘do të predikohej në gjithë tokën e banuar si dëshmi për të gjitha kombet’ para se të vinte fundi? (Mateu 24:14)

12. Cilat janë «veprat e mishit» që e pengojnë dikë të trashëgojë Mbretërinë e Perëndisë? (Galatasve 5:19-21)

13. Çfarë shqyrton Jehovai që të gjykojë drejt dikë? (1 Samuelit 16:7)

14. Çfarë pune bënte Amosi para se të zgjidhej si profet? (Amosi 7:14)

15. Çfarë donte të thoshte Jezui kur u tha dishepujve se duhet t’i ‘urrenin’ pjesëtarët e familjes së tyre? (Luka 14:26)

Përgjigjet e pyetësorit

1. «Gruan e Lotit»

2. Sepse nuk kishte rrënjë dhe u dogj nga dielli

3. Jezui do të zinte pozitën më të lartë përkrah Jehovait

4. Bildadi, një nga tre shokët e Jobit

5. Israel (Izrael, BR)

6. Sepse Sauli ishte i vajosuri i Jehovait dhe Davidi e la këtë çështje në dorë të Jehovait

7. Qentë

8. Sukothi (Sukoti, BR)

9. «Të kujdesesh për jetimët dhe vejushat në shtrëngimet e tyre dhe ta ruash veten pa njollë nga bota.»

10. «Shtatëdhjetë javë»

11. «Ky lajm i mirë i mbretërisë»

12. «Kurvëria, ndyrësia, sjellja e shthurur, idhujtaria, praktika e spiritizmit, armiqësitë, konflikti, xhelozia, shpërthimet e zemërimit, grindjet, përçarjet, sektet, smirat, dehjet, ahengjet e shfrenuara dhe gjëra si këto»

13. «Zoti shikon zemrën»

14. Ishte ‘bari dhe rriste fiq egjipti’

15. Që duhet t’i donin më pak se Jezuin