A je i stresuar?

«Stres deri në njëfarë mase kanë të gjithë njerëzit, ama mua stresi po më mbyt. Nuk ma shkakton një problem i vetëm, por shumë situata e telashe bashkë. Më duket sikur kam një jetë të tërë që kujdesem për burrin tim, i cili vuan nga sëmundje fizike e mendore, dhe nuk shoh dritë në fund të tunelit.»—Xhiljana.a

«Gruaja më braktisi dhe m’u desh të kujdesesha i vetëm për dy fëmijët. E kisha të vështirë të bëja edhe rolin e nënës, edhe të babait. Sikur të mos mjaftonte, humba punën dhe nuk kisha pará as për të paguar kolaudimin e makinës. S’dija nga t’ia mbaja dhe stresi po më mbyste. Thellë-thellë e kuptoja se ishte e gabuar të vrisja veten, prandaj i përgjërohesha Perëndisë që të ma merrte jetën.»—Berti.