Përfundim

KJO broshurë nuk përmban një shqyrtim të plotë të të gjitha bindjeve të Dëshmitarëve të Jehovait, sepse nuk ishte ky qëllimi i saj. Përkundrazi, jemi përpjekur të shpjegojmë disa parime në të cilat Dëshmitarët besojnë dhe të sqarojmë llojin e ndikimit që ushtron familja mbi nxënësin tuaj, kur njëri ose të dy prindërit janë Dëshmitarë.

Dëshmitarët e Jehovait i kushtojnë një rëndësi të madhe zhvillimit frymor të fëmijëve të tyre dhe janë të mendimit se kjo i kontribuon zhvillimit të tyre edhe në fusha të tjera. Bindjet që kanë përqafuar dhe parimet që ndjekin i japin kuptim jetës së tyre dhe i ndihmojnë të përballojnë problemet e përditshme. Përveç kësaj, këto bindje dhe parime duhet t’i shtyjnë ata të përpiqen të jenë nxënës më të zellshëm dhe qytetarë të mirë gjatë gjithë jetës.

Dëshmitarët përpiqen të jenë realistë lidhur me jetën, prandaj i kushtojnë një rëndësi të madhe arsimimit. Kështu që është dëshira e tyre të bashkëpunojnë me ju në dobi të aftësive të tyre. Ata nga ana e tyre, në shtëpi dhe në vendet e adhurimit në të gjithë botën, do të vazhdojnë t’i inkurajojnë fëmijët që të përmbushin rolin e tyre në këtë bashkëpunim të frytshëm.