Si financohet vepra jonë mbarëbotërore?

Çdo vit organizata jonë boton dhe shpërndan qindra milionë Bibla e botime të tjera pa pagesë. Ndërtojmë dhe mirëmbajmë Salla Mbretërie e zyra dege. Mbështetim financiarisht mijëra bethelitë dhe misionarë, si edhe sigurojmë ndihmë në raste katastrofash. Ndoshta pyet veten: «Si financohen të gjitha këto?»

Nuk kërkojmë të dhjeta, kuota dhe nuk mbledhim pará. Pavarësisht nga shpenzimet e mëdha që bëhen për të mbështetur veprën tonë të ungjillëzimit, ne nuk kërkojmë para. Më se një shekull më parë, numri i dytë i revistës Kulla e Rojës thoshte se jemi të bindur se kemi mbështetjen e Jehovait dhe ‘as do të kërkojmë e as do të lypim mbështetjen e njerëzve’. Kështu kemi bërë vërtet.—Mateu 10:8.

Vepra jonë mbështetet me kontribute vullnetare. Shumë njerëz e vlerësojnë veprën tonë të arsimimit biblik dhe kontribuojnë për të. Vetë Dëshmitarët japin me gëzim nga koha, energjitë, të ardhurat e gjithçka tjetër që të bëhet vullneti i Perëndisë në tërë tokën. (1 Kronikave 29:9) Në Sallën e Mbretërisë dhe në asamble e kongrese ka kuti kontributesh ku mund të kontribuojnë ata që dëshirojnë. Këto kontribute mund të bëhen edhe me anë të sitit jw.org. Pjesa më e madhe e parave të mbledhura vijnë nga njerëz me të ardhura të pakta, ashtu si vejusha nevojtare që hodhi dy qindarka në arkën e thesarit të tempullit, të cilën Jezui e lavdëroi. (Luka 21:1-4) Pra, gjithkush mund «të vërë diçka mënjanë» rregullisht, që të japë «ashtu si ka vendosur në zemër».—1 Korintasve 16:2; 2 Korintasve 9:7.

Jemi të bindur se Jehovai do të vazhdojë të nxitë zemrat e atyre që duan ‘ta nderojnë me gjërat e tyre me vlerë’ për të mbështetur veprën e Mbretërisë, që të përmbushet vullneti i tij.—Proverbat 3:9.

• Ku ndryshon organizata jonë nga fetë e tjera?

• Si përdoren kontributet vullnetare?