U mësojmë të tjerëve Fjalën e Perëndisë

1. Ke vën’ në Fjalën tënde, At’,

korale mençurish.

Sa her’ të tjerët i mësojm’,

shpërblehemi shum’fish!

Kopjojm’ Mësuesin e Madh,

modelin që na la;

me dashuri drejtojm’ të tjerët,

te ti, o Jehova.

2. Ndihmojm’ të tjerët me durim,

e plot seriozitet.

Me sjelljen fjalët zbukurojm’,

mësimi vjen në jet’.

Oh, sa e duam ligjin tënd,

çdo dit’ ësht’ ëndja jon’!

Shpëtim për ne është Fjala jote,

dhe për këdo dëgjon.

3. O At’, stërvite gjuhën ton’,

teksa mësojm’ na pri,

që Fjalën ta përdorim drejt,

me art e zotësi.

I duam njer’zit që mësojm’,

s’kursehemi për ta,

dhe i ndihmojm’ miq’si të lidhin,

me ty, At’ Jehova.