HABAKUKU

[përqafim i zjarrtë].

Profet hebre nga Juda dhe shkrimtar i librit që mban emrin e tij. (Ha 1:1; 3:1) Nga fjalët e fundit të librit («Dirigjuesit. Për veglat e mia me tela») dhe nga kënga e përvajshme e kapitullit të 3-të, disa kanë dalë në përfundimin se Habakuku ishte një levit që shërbente si muzikant në tempull. Megjithatë, fjalët që vijnë pas Habakukut 3:19 e bëjnë të pasigurt këtë pohim, dhe këngët e përvajshme nuk këndoheshin vetëm nga levitët. (2Sa 1:17, 18) Ekzistojnë shumë tradita gojore për Habakukun, por që nuk janë të besueshme; nga ana tjetër, Shkrimet nuk japin asnjë të dhënë për prejardhjen, fisin, jetën ose vdekjen e profetit. Përmbajtja e librit të Habakukut të bën të mendosh se ai profetizoi në fillim të mbretërimit të Jehojakimit, ndoshta para se Nabukodonosori të mundte ushtrinë egjiptiane në Karkemish, në vitin 625 p.e.s.