KOA

Popull a rajon që përmendet bashkë me Pekodin dhe Shoan tek Ezekieli 23:23 dhe që, sipas profecisë së Jehovait, do të siguronte një pjesë të trupave armike që do të sulmonin Jerusalemin jobesnik dhe Judën. Ka shumë të ngjarë që Koa të ndodhej në lindje të Babilonisë. Zakonisht e lidhin me popullin e quajtur qutu, që banonte në lindje të Tigrit, në stepat mes rrjedhës së sipërme të lumit Adhaim dhe lumit Dijala. Shpesh qutu përmendet bashkë me sutu (ndoshta Shoa tek Ezk 23:23) në mbishkrimet asiriane, ku tregohet se luftonin kundër Asirisë.