SETI

[i emëruar; vë; vendos].

Biri i Adamit dhe i Evës, që lindi kur Adami ishte 130 vjeç. Eva ia vuri emrin Set, sepse, si tha ajo ‘Perëndia kishte caktuar për të një farë tjetër në vend të Abelit, meqë atë e vrau Kaini’. Seti mund të mos ketë qenë fëmija e tretë i Adamit dhe i Evës. Sipas Zanafillës 5:4, Adamit i lindën «bij dhe bija», disa prej të cilave mund të kenë lindur para Setit. Seti zë një vend të spikatshëm, sepse Noeja, dhe nëpërmjet tij gjithë njerëzimi deri më sot, ka ardhur nga ai dhe jo nga Kaini vrasës. Në moshën 105-vjeçare Setit i lindi Enosi. Seti vdiq në moshën 912-vjeçare (3896-2984 p.e.s.).​—Zn 4:17, 25, 26; 5:3-8; 1Kr 1:1-4; Lu 3:38.