Të inkurajojmë të tjerët për të parë me kujdes Jezuin

¹ Libri Njeriu më i madh i cili ka jetuar ndonjëherë është me të vërtetë i jashtëzakonshëm. Të 133 kapitujt e tij i inkurajojnë lexuesit që të shohin me kujdes Jezuin dhe mund të ngjallin tek ata dëshirën për të imituar shembullin e tij. Me të drejtë është thënë, se të gjithë mbretërit e historisë të vënë së bashku, nuk kanë ndikuar mbi jetën e njerëzimit kaq fuqishëm, sa Jezui. Sigurisht, ata që e shohin me kujdes Jezuin, do të përfitojnë prej tij.

² Jezui u mësoi dishepujve të tij shumë gjëra mbi Atin dhe tregoi në praktikë cilësitë e çmuara të Perëndisë. Zemra jonë mallëngjehet, kur shqyrtojmë cilësitë e shkëlqyera të Jezuit si mësues, udhëheqjen e tij të patrembur, dhembshurinë e tij të butë. Ndërsa sjellim ndër mend vuajtjet që ai hoqi, kur dha jetën si shpërblim për ne, provojmë mirënjohje të thellë. Njeriu më i madh i cili ka jetuar ndonjëherë mund t’i ndihmojë njerëzit për ta parë Jezuin në këtë dritë.

³ Përgatituni mirë: Përgatituni mirë për të filluar një bisedë biblike që inkurajon njerëzit për të parë me kujdes Jezuin. Familje dhe të tjerë mund të ushtrohen së bashku. Përpiquni të nxisni interesin e njerëzve, që të ndjejnë dëshirën për të lexuar librin Njeriu më i madh. Nëse interesi fillestar është kufizuar, mund të lëmë një fletushkë apo ndoshta një broshurë ose një revistë.

⁴ Duke shkuar shtëpi më shtëpi, në mars, do të tërheqim vëmendjen mbi Jezuin dhe do të inkurajojmë njerëzit që ta njohin më mirë. Duke ilustruar disa shembuj të përmbajtur në librin Njeriu më i madh, mund t’i ndihmojmë që ta shohin Jezuin jo vetëm si personazh historik, por si Bir të Perëndisë dhe si Mbret që mbretëron qeverinë që do të zgjidhë të gjitha problemet e njerëzimit.

⁵ Siç është theksuar në Shërbimin e Mbretërisë, duhet ta përdorim me mençuri literaturën tonë. Si mund të përcaktojmë se një njeri është me të vërtetë i interesuar? Nëse dëgjon me vëmendje, bën pyetje apo e ndjek atë që po lexojmë në Bibël, kjo mund të jetë shenjë e interesit të sinqertë. Disa herë i zoti i shtëpisë shpreh çmueshmëri për vizitat tona ose thotë se i pëlqen literatura jonë. Nëse i tregojmë librin dhe ai e shfleton me gatishmëri apo pyet se si mund të ketë një të tillë, ky është tregues i interesit të vërtetë. Nëse nuk shihet gjithë ky interes, mund të lëmë një fletushkë, të lëmë pezull një pyetje për ta trajtuar gjatë vizitës tjetër dhe të vihemi dakort për t’u kthyer. Gjatë vizitës tjetër, ndoshta mund të kuptojmë më mirë se deri në ç’pikë është i interesuar ky njeri.

⁶ Një njeri, që nuk ishte shumë i prerë për të lexuar, shprehu fjalë çmueshmërie për librin Njeriu më i madh, duke thënë, se në përfundim të një dite leximi i tij ishte një kënaqësi. Le të ndihmojmë edhe të tjerë për të provuar të njëjtat ndjenja, duke bërë çdo përpjekje që t’i inkurajojmë për të shikuar me kujdes Jezuin, duke lexuar me interes të madh librin Njeriu më i madh i cili ka jetuar ndonjëherë.