Përdor revistat për të ndarë të vërtetën
1 Vlera e informimit të drejtë dhe të vërtetë është kryesisht e minuar në shoqërinë e sotme për arsye të reklamave të shumta, premtimeve mashtruese politike dhe pohimeve të rreme ndërkombëtare. Kulla e rojës dhe Zgjohuni! janë të vetmet që deklarojnë vetëm të vërtetën për Mbretërinë e Perëndisë dhe shpjegojnë se çfarë duhet të bëjmë ne të gjithë që të gëzojmë bekimet që do të sjellë ajo.
2 Në një vend, një zyrtar i Ministrisë së Informacionit që e vlerësoi vlerën e këtyre dy revistave shpejt ndihmoi në dhënien e aprovimit për shpërndarjen e tyre. Ai deklaroi: «E konsideroj Kullën e Rojës një nga revistat më të mira. Unë jam shumë i gëzuar për të ndihmuar.» Është privilegji ynë të ndihmojmë të tjerët duke shpërndarë këto revista që mund të japin njohuri jetëdhënëse. (Gjon. 17:3) Si do t’i paraqesësh këto revista të vlefshme gjatë majit? Ndoshta sugjerimet që vijojnë mund të të ndihmojnë.
3 Nëse ke hapur artikujt e parë të «Kullës së Rojës» së majit, mund të thuash:
◼ «Ne flasim me njerëzit për një ndikim të fuqishëm që po prek racën njerëzore. A e dini se çfarë është ky? [Lëre të përgjigjet.] Ky është ndikimi i Satana Djallit. Vëre se çfarë thotë Zbulesa 12:12 për këtë ndikim.» Pastaj thekso një nga artikujt.
4 Në shënimet e tua të rivizitave, mund të kesh një listë të atyre që në fillim kanë shfaqur pak interes por nuk kanë pasur rezultat. Meqë ata kanë dhënë vetëm një përgjigje të kufizuar, nuk mund ta shohësh të arsyeshme për t’u bërë një rivizitë. Por mund të jesh në gjendje për ta përdorur këtë listë që të zhvillosh një itenerar me revista. Kur vëren një artikull që mendon se mund të përdoret për një person të veçantë, vër një qëllim për të vizituar këtë individ dhe ofroji revistën.
5 Dëshmi joformale: Kjo është një mënyrë e shkëlqyer për të krijuar interes për revistat. Një ekspozim i arsyeshëm i kopertinave që kapet nga syri, mund të jetë i mjaftueshëm për të filluar një bisedë. Një motër vuri disa botime në tavolinën e saj, në mënyrë që shokët e punës të mund t’i shihnin ato kur të kalonin pranë; kështu ajo qe në gjendje të shpërndante disa. Vër si qëllim që të mbash disa kopje dhe të marrësh iniciativën për t’i ofruar këtë muaj kur shkon në dyqan, në shkollë, në autobus ose kudo që bie në kontakt me të tjerët.
6 Me ndihmën e Kullës së Rojës dhe Zgjohuni!, mund të gjejmë përgjigje të pyetjeve të rëndësishme për Jehovain dhe adhurimin e tij. Duhet t’i përdorim këto revista në çdo mënyrë që të jetë e mundur, për të ndihmuar të tjerët që të njohin «Jehovain Perëndinë e së vërtetës».—Psal. 31:5.