Kongresi krahinor 1994 «Frikë Perëndie»

¹ Njerëzit me besim kanë treguar «frikë Perëndie», që nga ditët e Abelit, Noes, deri në ditët e sotme. (Hebr. 11:4, 7) Që të ushtrosh frikë Perëndie do të thotë të shfaqësh «nderim të madh, respekt të thellë për Krijuesin dhe të tregosh frikë të shëndetshme ndaj tij». (it-1-E f. 818) Gjatë qershorit, korrikut dhe gushtit, ne do ta tregojmë këtë respekt të thellë nga pjesëmarrja jonë në Kongresin Krahinor «Frikë Perëndie». A do të ishe i gëzuar për ta dëgjuar të gjithë programin, nga kënga e parë deri tek lutja përfundimtare?

² Çdo vit ne e presim me padurim kongresin krahinor. Megjithëse përpjekjet personale dhe shpenzimet që mund të bëjmë janë të konsiderueshme, bekimet që do të marrim janë të shumta. Kthehemi në shtëpi të gëzuar, të kënaqur dhe të ndërtuar frymësisht. (Krahaso 1. Mbretërve 8:66.) Shoqëria është nxitëse dhe kongresi siguron një ndryshim të rutinës së përditshme. Por mos harro, ne mblidhemi për të adhuruar Jehovain. Ai na urdhëron që të bëjmë kështu. Na mëson se si të nxjerrim dobi për veten tonë.—Li. përt. 31:12, 13; Psal. 122:1.

³ Një kongres treditor: Programi do të paraqitet këtë vit në Shtetet e Bashkuara në 167 kongrese. Më 15 Shkurt 1994, Kulla e Rojës siguroi një listë të vendeve të caktuara. Përveç anglishtes, kongreset do të mbahen në gjuhën kineze, franceze, greke, italiane, japoneze, koreane, portugeze, spanjolle, togaloge, vietnameze dhe në gjuhën amerikane me shenja. Një program i plotë në gjuhën amerikane me shenja do të paraqitet në Eskondido, Kaliforni, dhe në qytetin Jersey, New Jersey, por nuk do të ketë interpretim në gjuhë me shenja, në asnjë nga kongreset e tjera.

⁴ Programi do të fillojë të premten në 10:20 dhe do të përfundojë të dielën rreth orës 16:15. Të shtunën dhe të dielën programi do të fillojë në 9:30. Dyert do të hapen në 7:30. Vetëm ata me punë të caktuar do të lejohen të hyjnë përpara.

⁵ Respekti i thellë për Jehovain na nxit të marrim pjesë: Pavli i këshilloi hebrenjtë e krishterë «për të shpërblyer shërbimin e shenjtë me frikë Perëndie dhe respekt të thellë». (Heb. 12:28) Ky kongres krahinor është përgatitur për të na ndihmuar që ta bëjmë këtë. Mund të na paraqiten disa pengesa për të provuar vendosmërinë tonë për ta ndjekur. Pengesat mund të duken si malet, por me ndihmën e Jehovait këto mund të kapërcehen. (Mat. 17:20) Nëse nuk mund të programosh pushimet e tua për të marrë pjesë gjatë gjithë kongresit, të premten në mëngjes deri të dielën mbasdite, a i ke kërkuar punëdhënësit leje për kohën që do të mungosh nga puna? (Jak. 1:6-8) Fëmijët që janë në shkollë të cilët do të ndjekin një nga kongreset që mbahen gjatë sezonit të shkollës, duhet të respektojnë mësuesit e tyre duke i njoftuar se do të mungojnë nga shkolla të premten dhe të shtunën, për këtë pjesë të rëndësishme të adhurimit të tyre fetar.

⁶ Të nxjerrim dobi nga shpenzimet: Çfarë shpenzimi është ky? Koha dhe përpjekjet e harxhuara për të ndjekur kongresin. Nuk do të ishte e mençur të bënim plane të kujdesshme për ta ndjekur këtë kongres krahinor veror, vetëm të dielën në mëngjes, kur kemi munguar në pjesën më të madhe të programit. A do ta lije në mes një banket në mënyrë që të kujdeseshe për gjërat e tjera? Kjo është vërejtur në një numër kongresesh vitin e kaluar, ku disa kanë ikur pas sesionit të paradites. Megjithatë, pjekuria jonë frymore dhe frika e Perëndisë, nuk duhet të na lejojnë të humbasim asgjë nga ajo që Jehovai ka përgatitur për ne.—Krahaso 1. Kor. 2:9, 10.

⁷ Vërtetë nuk duhet të mendojmë për t’u larguar nga kongresi përpara. Megjithatë përsëri mund të humbasim një pjesë të mirë nga programi. Si mund të ndodhë kjo? Duke mos e planifikuar më përpara për t’u siguruar që të pranojmë maksimumin e dobive nga pjesa e paraqitur. Duhet të sigurohemi që të fillojmë ditën herët, kështu që të kemi kohë të mjaftueshme për të ngrënë mëngjesin dhe për t’u kujdesur për gjërat e tjera të nevojshme, në mënyrë që të jemi në karriget tona përpara se të fillojë programi. Fjetja mirë gjatë natës është gjithashtu e rëndësishme për t’u siguruar se jemi të gatshëm dhe të aftë për t’u përqendruar plotësisht në programin e ditës.

⁸ Një metodë e provuar për të nxjerrë sa më shumë dobi nga programi është duke mbajtur shënime. Është e rëndësishme për të rinjtë që të marrin shënime, ashtu siç është dhe për të rriturit. Një lajmëtare 16 vjeçare ka thënë: «Unë shënova shkrimet e përmendura gjatë fjalimit. Pastaj, mund ta rishikoja fjalimin në shtëpi». Një tjetër i ri 16 vjeçar shton: «Unë mbajta shënim pikat kryesore. Kjo më ndihmoi të përqendrohesha në program.» Zakonisht, gjërat që ke nevojë për programin janë Bibla, këngët, blloku i shënimeve dhe një stilolaps ose kalem. Sigurisht, prindërit me fëmijë të vegjël duhet të kujdesen për nevojat e tyre, por do të ishte më mirë të mos shqetësonin veten dhe të tjerët me enë të shumta ushqimesh dhe me gjërat e tepërta personale.

⁹ Disa vëllezër e regjistrojnë programin, duke përdorur kasetofonat ose videokasetat, për ta përsëritur më vonë në shtëpi. Nëse ndonjëri bën kështu kjo është një gjë personale, por përvoja e disave është se kur kthehen në rutinën e tyre normale, kanë pak kohë për ta përsëritur atë që kanë regjistruar. Përveç kësaj, disa pika kryesore të fjalimit mund të humbin ndërsa rregullojnë pajisjen e regjistrimit.

¹⁰ Duhet të përpiqemi sinqerisht për të qenë në karriget tona, përpara se të fillojë programi. Megjithëse mund të jemi në mes të shkëmbimit të përvojave të gëzuara me shokët tanë të vjetër, kur drejtuesi lajmëron se programi po fillon, nëse menjëherë i përfundojmë bisedat dhe zëmë vendet tona, kjo tregon respekt për ata që kanë pjesë në program dhe për vëllezërit në përgjithësi.

¹¹ Kongreset krahinore janë gjithmonë raste të gëzueshme sepse bekimet nga Jehovai janë të bollshme. Nxjerrim dobi frymore dhe materiale. Kjo duhet të na kujtojë se shpenzimet e konsiderueshme përfshihen në qiranë e ndërtesës së kongresit. Po ashtu, çmimet e gjërave ushqimore po rriten dhe Shoqata blen ushqim të cilësisë së mirë për të shpërndarë në çdo kongres. Si mbulohen këto dhe të gjitha shpenzimet e tjera? Nëpërmjet kontributeve tona vullnetare. Kjo është në përputhje me frymën e Psalmit 96:8, i cili na inkurajon që t’i japim lavdi Jehovait dhe të çojmë dhurata në oborret e tij.

¹² A do të sjellë lavdi sjellja jote? Çdo vit numri i majit tek Shërbimi ynë i Mbretërisë, na sjell ndër mend me mirësjellje rëndësinë e sjelljes së mirë ndërsa ndjekim kongresin krahinor. Sigurisht, sjellja jonë duhet të jetë gjithmonë shembull por kur mblidhemi në numër të madh, zakonisht vëzhgohemi më nga afër nga ata që janë jashtë së vërtetës. Sjellja jonë, e mirë ose e keqe, mund të flasë më shumë nga ajo që themi. Ne duam që Jehovai të lavdërohet nga ajo që themi dhe bëjmë.—Prov. 27:2; 1. Pjetr. 2:12.

¹³ Pas asamblesë së vitit të kaluar «Mësimi Hyjnor», një nga rojet e sigurimit të një hoteli vërejti: «Këta janë grupi më i mirë i fëmijëve. I kam vërejtur ata për një kohë të gjatë.» Pastaj, pasi komentoi për sjelljet e këqija dhe shkatërrimtare të grupeve të të rinjve të tjerë, ai shtoi për fëmijët e Dëshmitarëve: «Ata janë sjellë mirë dhe është kënaqësi të jenë përreth. Unë dëshiroj që kongreset e tjera që do të mbahen këtu të jenë kështu si ky.»

¹⁴ Një gazetar shkroi në një gazetë amerikane, atë që kishte vërejtur në një kongres: «Gratë dhe vajzat ishin veshur shumë mirë kurse burrat dhe djemtë kishin veshur xhaketë dhe kravatë. Mbanin me zell shënime ndërsa dëgjonin oratorët për katër ditë. Dhe nëse pastërtia është e afërt me hyjnitë, Dëshmitarët e Jehovait e demonstrojnë këtë në nivel më të lartë». Jo të gjitha raportet kishin mendim të tillë pozitiv.

¹⁵ Në një kongres tjetër, është raportuar se kishte shumë njerëz që ecnin vërdallë gjatë sesionit. Mbi 1.000 veta (shumë prej të cilëve ishin fëmijë) numëroheshin në korridore gjatë programit të së shtunës pasdite, gjë që tregon se fëmijët duhet të mësohen dhe të mbikëqyren nga prindërit. Ecja e vazhdueshme vërdallë nëpër korridore krijon tepër zhurmë dhe i shqetëson ata që përpiqen të dëgjojnë. Disa duhet të kujdesen për disa gjëra të nevojshme gjatë programit, por a nuk duhet që edhe ne të tjerët të ulemi në karriget tona e të dëgjojmë me vëmendje?

¹⁶ Shumë prindër, kur ndjekin mbledhjet e kongregacionit çdo javë rrinë afër me fëmijët e tyre. A nuk duhet të jenë njëlloj afër gjatë programit që të sigurohen se fëmijët janë pranë tyre dhe nuk enden nëpër korridore? Ndërtesa e kongreseve kthehet në një Sallë të madhe Mbretërie, por të mos harrojmë se ky është sistem i Satanait dhe për njerëzit e paskrupull është e lehtë që të hyjnë në ndërtesë me motive të papërshtatshme. DUHET TË DISH SE KU JANË FËMIJËT E TU DHE ÇFARË BËJNË ATA GJATË GJITHË KOHËS.

¹⁷ Veshja dhe krehja: Ne jetojmë në një kohë kur pakujdesia dhe çrregullsia në paraqitjen e jashtme shikohet si e pranueshme. Shumë njerëz shkojnë në kisha dhe koncerte ose hyjnë në restorante me veshje tepër të pakujdesshme. Vëzhgimet e cituara në paragrafët 13 dhe 14 tregojnë se ka të tillë që admirojnë të vishen në mënyrë të denjë, veçanërisht në lidhje me adhurimin formal. Çrregullsia, veshja e pakujdesshme dhe krehja e papërshtatshme tregojnë shumë për ne. Kurrë mos haro se ndërtesa e kongreseve nuk është fushë sporti. Ajo është një Sallë e madhe Mbretërie. Disa e respektojnë veshjen për kongresin, por pas sesionit shkojnë në restorantin e lokalit apo në ndonjë vend tjetër dhe vishen në mënyrë të papërshtatshme ose jomodeste.

¹⁸ Kandidatët për pagëzim duhet të mbajnë në mendje se disa rroba banje janë të papërshtatshme për rastin. Kostumi duhet të jetë modest dhe me shije. Kush duhet ta përcaktojë këtë? Pleqtë janë përgjegjës të shikojnë që secili që do të pagëzohet nga kongregacioni i tyre të mos japë ndonjë shkak për çrregullim. (2. Kor. 6:3, 4) Kjo duhet të përjashtojë rrobat e banjës jo të përshtatshme dhe bluzat me sloganet ose reklamat e botës. Do të ishte e përshtatshme për pleqtë që ta diskutojnë këtë gjë me kandidatët, ndërsa shqyrtojnë pyetjet nga broshura Mësimet elementare të Biblës.

¹⁹ Mjetet e regjistrimit: Siç thamë përpara, përdorimi i pajisjeve të regjistrimit dhe veçanërisht regjistrimi me videokaseta është një vendim personal. Nëse njëri vendos për të regjistruar, duhet të konsiderojë dhe ata që janë përreth tij. Kjo mund të shqetësojë edhe kur regjistrimi bëhet nga një karrige. Askush nuk duhet të bllokojë pamjen e atyre që ndjekin kongresin ndërsa regjistron. Përveç kësaj, asnjë nga mjetet e regjistrimit nuk duhet të lidhet me sistemin elektrik ose të zërit dhe as të bllokojë hapësirën ndërmjet karrigeve ose rrugët e kalimit.

²⁰ Vendi për t’u ulur: Për problemet e shoqëruara me ruajtjen e vendeve, duhet të jemi gjithmonë të kujdesshëm. Përsëri dëshirojmë të kujtojmë secilin. VENDET MUND TË RUHEN VETËM PËR PJESËTARËT E AFËRT TË FAMILJES DHE NDONJËRIN QË MUND TË UDHËTOJË ME TY NË MAKINËN TËNDE. Në disa kongrese kur dyert hapen çdo mëngjes në 7:30, si vëllezërit ashtu dhe motrat nguten për t’u futur në ndërtesë. Është vërejtur se «këta Dëshmitarë që shkojnë në karriget e tyre në mënyrë të zakonshme, mund të gjejnë vend në pjesën e përparme të sallës. Shumë prej tyre ruajnë të gjitha pjesët dhe pastaj shumë nga vendet që ata kanë rezervuar mbeten të paplotësuara». Këto praktika mospërfillëse janë në kundërshtim me paralajmërimet. A nuk duhet të shqyrtojmë mbi këtë çështje zemrën tonë dhe të meditojmë mbi parimet tek Filipianëve 2:3, 4?

²¹ Çdo kongres merr masa për ata me nevoja të veçanta, si pleqtë dhe të gjymtuarit fizikisht. Të lutemi sigurohu të mos zësh vendet në një nga këto pjesë nëse nuk je i tillë. Gjithashtu të jesh i gatshëm për të ndihmuar ata me nevoja të veçanta të gjejnë një vend nëse nuk janë të shoqëruar nga dikush që të kujdeset për ta.

²² Shërbimi i literaturës dhe ushqimit: Kur mblidhemi në kongresin krahinor, gëzojmë me bollëk ushqim frymor dhe material. Duhet t’i pranojmë me lavdërime, asgjë nuk duhet të shkojë kot. (2. Kron. 31:10; Prov. 3:10; Gjon. 6:12) Vitet e fundit është parë se një sasi e konsiderueshme ushqimesh dhe pijesh të paketuara merren dhe pastaj hidhen të pahapura. A duam të tregojmë çmueshmëri për të gjitha përgatitjet që ka bërë Jehovai? Atëherë duhet të marrim vetëm atë që është e nevojshme dhe të mos hedhim asnjë ushqim. A e kuptojnë fëmijët tuaj rëndësinë e moshedhjes së ushqimit? Prindërit duhet të japin një shembull të mirë për ta. Të lutemi, mos e merr ushqimin nga vendi i kongresit për përdorim të mëvonshëm. Për të zvogëluar turmën nëpër korridore, është më mirë që vetëm njëri nga pjesëtarët e shtëpisë të marrë ushqimin për të gjithë familjen dhe të mos marrë më shumë sesa është e nevojshme për atë vakt ushqimi.

²³ Më 1 korik 1994, do të fillojë Kongresi Krahinor «Frikë Perëndie». A ke bërë përgatitje dhe a je gati për të kaluar tri ditë me shoqëri të gëzuar dhe gjëra të mira frymore? Lutemi sinqerisht që Jehovai të bekojë përpjekjet e tua për t’u mbledhur këtë verë dhe për t’u ushqyer në tavolinën e Jehovait me gjëra të mira në Kongresin Krahinor «Frikë Perëndie».

[Kutia në faqen 6]

Përkujtesë për Kongresin Krahinor

Pagëzimi: Kandidatët për pagëzim, duhet të jenë në vendet e tyre në sektorin që u është caktuar përpara se të fillojë programi të shtunën në mëngjes. Secili që është planifikuar për t’u pagëzuar, duhet të sjellë me vete rroba banjoje modeste dhe një peshqir. Pas fjalimit të pagëzimit dhe lutjes nga oratori, drejtuesi i sesionit do t’u japë këshilla të shkurtra kandidatëve dhe pastaj do t’i ftojë të gjithë për të kënduar. Pas vargut të fundit, shoqëruesi do t’i drejtojë kandidatët në vendin e pagëzimit. Meqë pagëzimi, si simbol i një dedikimi është një gjë intime dhe personale ndërmjet individëve dhe Jehovait, nuk është parashikuar i ashtuquajturi pagëzim me partnerin, në të cilin dy ose më shumë kandidatë për pagëzim, përqafohen ose mbahen për dore ndërsa pagëzohen.

Distinktivi: Të lutemi të mbash distinktivin e kongresit të vitit 1994, ndërsa udhëton dhe kthehesh nga vendi i kongresit. Kjo shpesh na bën të mundur të japim një dëshmi shumë të mirë ndërsa udhëtojmë. Kjo është vërtetuar vitin e kaluar në lidhje me kongreset e mbajtura në Moskë dhe Kiev. Duke mbajtur distinktivin tonë lehtësojmë edhe kryerjen e shërbimit të rregullt të ushqimit. Distinktivi dhe mbajtësja duhet të merren nëpërmjet kongregacionit tënd, sepse në kongres nuk do të ketë. Mos harro të mbash Kartën Mjekësore. Edhe pjesëtarët e familjes Bethel dhe pionierët duhet të kenë me vete kartën e identifikimit.

Karrocat e fëmijëve: Në shumë lokalitete, karrocat e fëmijëve nuk mund të mbahen në vendet e asambleve publike. Rregullat e zjarrfikësve e ndalojnë qëndrimin e tyre në korridore apo ndërmjet rradhëve të vendeve. Meqë turmat e mëdha mund të shkaktojnë pengesa, karrocat e fëmijëve janë të rrezikshme jo vetëm për fëmijët, por edhe për secilin që mund të ndeshet me to. Pra të lutemi të mos i sjellësh ato në vendin e kongresit. Bashkëpunimi yt në këto çështje është i çmuar.

Shërbimi vullnetar: A mund ta programosh kohën për të ndihmuar në kongres në një nga repartet? Duke u shërbyer vëllezërve qoftë edhe për disa orë, mund të jetë një ndihmë dhe do të të sjellë kënaqësi të madhe. Nëse mund të ndihmosh, të lutemi të raportosh në Repartin e shërbimit vullnetar të kongresit. Fëmijët nën moshën 16 vjeç, mund të kontribuojnë shumë mirë duke punuar nën drejtimin e prindërve ose përgjegjësve të tjerë të rritur.

Trego kujdes: Duke qenë të kujdesshëm për problemet e mundshme, mund të ruajmë veten nga vështirësitë e panevojshme. Shpesh, hajdutë dhe individë të tjerë pa skrupuj mund të grabisin njerëzit që janë larguar nga shtëpia e tyre. Sigurohu se makina është e mbyllur gjatë gjithë kohës dhe kurrë mos lërë asgjë të dukshme për të tërhequr dikë që ta dëmtojë. Hajdutët dhe vjedhësit e të hollave gjejnë rastet më të mira në grumbullimet e mëdha. Nuk do të ishte e mençur të lije gjëra me vlerë në vendin tënd. Nuk mund të jesh i sigurt se të gjithë përreth teje janë të krishterë. Përse të tërheqësh ndonjërin? Kemi marrë raporte mbi orvatjet që kanë bërë disa të huaj për të tërhequr fëmijët. MBAJI AFËR FËMIJËT E TU NË ÇDO KOHË.