Të studiojmë Profecitë e Danielit
1 Duke filluar me javën e 17 prillit, në Studimin e Librit të Kongregacionit do të studiojmë librin Kushtoju vëmendje profecive të Danielit! Shumë veta tashmë e kanë lexuar këtë libër tërheqës, por tani kemi mundësinë për të gëzuar dobitë që vijnë nga diskutimi në grup i materialit. Të gjithë lajmëtarët, të interesuarit dhe fëmijët janë të ftuar, madje të inkurajuar që të jenë të pranishëm çdo javë për këtë studim të thellë të librit biblik të Danielit.—Ligj. 31:12, 13.
2 Programi i studimit dhe udhëzime: Programi i plotë i studimit për librin Profecitë e Danielit gjendet në këtë numër të fletushkës Shërbimi ynë i Mbretërisë. Sigurohu që të mbash me vete një kopje në librin tënd të studimit. Programi tregon kapitujt dhe paragrafët nga libri, si dhe vargjet nga Danieli, që do të diskutohen në sesionin e çdo jave. Shënimet shpjegojnë se si dhe kur do të konsiderohet një pjesë e materialit nga libri. Në përfundim të çdo studimi javor, drejtuesi është i inkurajuar të rishikojë me grupin vargjet specifike nga Danieli, që janë renditur në program për atë javë. Po pati kohë, vargjet mund të lexohen e të komentohen. Disa vargje do të përsëriten javë pas jave, për shkak të një konsiderimi të vazhdueshëm të aplikimit të tyre.
3 Të përgatitemi për një studim tërësor: Janë bërë përpjekje për të lënë çdo javë kohë të mjaftueshme, për një diskutim të panxituar të materialit të caktuar. Katër mësime janë disi të shkurtra. Prandaj, në fund të studimit për javën e 5 qershorit drejtuesi mund të përfshijë një rishikim të Danielit 2:1-40. Për javën e 26 qershorit mund të rishikojë Danielin 3:1-30. Java e 4 shtatorit duhet të përfshijë një diskutim të plotë të ilustrimeve dhe shkrimeve në faqen 139. Skema në faqet 188 dhe 189 duhet të diskutohet në studimin e javës së 2 tetorit.
4 Të përgatitemi për studimin çdo javë dhe të gëzojmë pjesëmarrjen në të. Të vlerësojmë privilegjin që kemi për t’u shoqëruar me organizatën e dukshme të Jehovait dhe për të nxjerrë dobi nga mendjehollësia dhe kuptueshmëria e siguruar prej të mirosurve të tij të besueshëm. (Dan. 12:3, 4) Le të inkurajojmë me dashamirësi të tjerët që të ndjekin rregullisht studimin e librit. Të gjithë le t’i kushtojmë vëmendje fjalës profetike të Perëndisë, ashtu siç zbulohet në librin e Danielit, që të ngjall një nderim të thellë.—Hebr. 10:23-25; 2. Pjet. 1:19.