Si të predikojmë në një territor tregtar?
1. Cilat janë disa nga përparësitë e predikimit në një territor tregtar?
1 A do t’ju pëlqente të predikonit në një territor ku njerëzit në përgjithësi ju mirëpresin dhe ku gjeni pothuajse gjithmonë njerëz për të folur? Mund ta keni këtë mundësi pikërisht në territorin e kongregacionit tuaj. Si? Duke predikuar në dyqanet që ndodhen aty. Lajmëtarët që dëshmojnë nga njëri dyqan në tjetrin shpesh kanë rezultate të mira.
2. Si mund të organizohet predikimi në një territor tregtar?
2 Disa kongregacione kanë në territorin e tyre edhe zona tregtare. Vëllai që është caktuar të merret me territorin mund të përgatitë territore me harta të posaçme të këtyre qendrave tregtare. Në çdo hartë territori me shtëpi, që përmban edhe vende tregtare, duhet të tregohet qartë pjesa tregtare. Kjo pjesë nuk duhet të predikohet bashkë me shtëpitë. Ndërsa në disa territore të tjera, vendet tregtare mund të predikohen bashkë me shtëpitë. Nëse nuk ke predikuar ndonjëherë në territore tregtare, provo të fillosh me disa dyqane të vogla.
3. Çfarë mund të na ndihmojë të jemi të efektshëm kur japim dëshmi në dyqane?
3 Përdorni një prezantim të thjeshtë: Kur jepni dëshmi nga dyqani në dyqan është e rëndësishme të visheni ashtu siç visheni edhe për në mbledhje. Do të ishte mirë të hynim në një kohë kur nuk ka njerëz në dyqan. Nëse është e mundur, hyni kur nuk ka klientë që presin t’u shërbehet. Kërkoni që të flitni me administratorin ose me përgjegjësin. Flitni shkurt dhe në mënyrë të drejtpërdrejtë. Çfarë mund të thoni?
4-6. Çfarë mund të themi kur i predikojmë një shitësi ose një administratori?
4 Për shembull, kur flitni me shitësin ose me administratorin mund të thoni: «Ata që merren me tregti janë kaq të ngarkuar, saqë rrallë i gjejmë në shtëpi. Ja pse sot kemi ardhur këtu në vendin tuaj të punës. Revistat tona shpjegojnë ngjarje të kohëve të fundit që prekin gjithë botën.» Pastaj shkurtimisht mund t’i tregoni një pikë të veçantë në revistë.
5 Ose mund të provoni këtë prezantim të thjeshtë: «Shumë njerëzve do t’u pëlqente të dinin më tepër për Biblën, por nuk kanë shumë kohë të lirë. Kjo fletushkë flet për një program studimi falas që bëhet për t’ju ndihmuar të gjeni përgjigjet për pyetjet që keni rreth Biblës.» Pastaj tregoni faqet 4 dhe 5 të fletushkës A dëshiron të dish më shumë për Biblën?
6 Nëse përgjegjësi i dyqanit duket i zënë, mund të ofroni vetëm një fletushkë dhe të thoni: «Do të vij njëherë tjetër kur të mos jeni të zënë. Do të më pëlqente të dija mendimin tuaj për këtë fletushkë.»
7. Si mund ta kultivojmë interesin që shfaqet në një territor tregtar?
7 Të kultivojmë interesin e shfaqur: Në një territor tregtar mund të arrini të drejtoni edhe një studim biblik. Një pionier special ia çonte revistat rregullisht një biznesmeni. Kur ai tregoi vlerësimin e tij për ato që lexonte, pionieri, duke treguar broshurën Çfarë kërkon? i ofroi një studim biblik. Menjëherë filluan një studim aty ku punonte. Duke marrë parasysh rrethanat, pionieri e kufizonte kohën e studimit në 10 ose 15 minuta çdo herë që shkonte. Le të vazhdojmë edhe ne të kërkojmë ata që e meritojnë duke dëshmuar në territoret tregtare.